‘கோவை மாவட்டத்தில்788 வாக்குச்சாவடிகள் பதற்றமானவை’

கோவை மாவட்ட தேர்தல் அலுவலர்கள் கூறும்போது, ‘‘தற்போது மேட்டுப்பாளையம் தொகுதியில் 413 வாக்குச்சாவடிகள், சூலூரில் 463, கவுண்டம்பாளையத்தில் 676, கோவை வடக்கில் 499, தொண்டாமுத்தூரில் 471, கோவை தெற்கில் 359, சிங்காநல்லூரில் 449, கிணத்துக்கடவில் 485, பொள்ளாச்சியில் 318, வால்பாறையில் 294 என மொத்தம் 4,427 வாக்குச்சாவடிகள் அமைக்கப்பட்டுள்ளன. கடந்த தேர்தலைக் காட்டிலும் கூடுதலாக 1,379 வாக்குச்சாவடிகள் அமைக்கப்பட்டுள்ளன. கடந்த தேர்தல்களின் அடிப்படையில் மாவட்டத்தில் 118 இடங்களில் உள்ள 788 வாக்குச்சாவடிகள் பதற்றமானவை எனக் கண்டறியப்பட்டுள்ளன. வேட்பாளர் அறிவிப்புக்கு பின்னர், இந்த எண்ணிக்கையில் மாற்றம் ஏற்பட வாய்ப்புள்ளது. மாவட்டத்தில் பதற்றமான வாக்குச்சாவடிகளில் துணை ராணுவத்தினர் பாதுகாப்புப் பணியில் ஈடுபடுத்தப்பட உள்ளனர்’’ என்றனர்.