நயினார்கோவில் அருகே போலி மருத்துவர் கைது

நயினார்கோவில் அருகே போலி மருத்துவரை போலீஸார் கைது செய்தனர்.

ராமநாதபுரம் மாவட்டம், பரமக்குடி வட்டம் நயினார்கோவில் அருகே உள்ள காரடர்ந்தகுடி கிராமத்தைச் சேர்ந்தவர் அப்துல் ஹமீது(67). இவர் பாரம்பரிய சித்த மருத்துவம் செய்து வந்துள்ளார். அத்துடன் அலோபதி மருத்துவத்திலும் ஈடுபட்டு வருவதாகப் புகார் எழுந்தது. இதுகுறித்து நயினார்கோவில் அரசு ஆரம்ப சுகாதார நிலைய மருத்துவ அலுவலர் நரேன்விக்னேஷ் போலீஸில் புகார் அளித்தார். அதன் அடிப்படையில் விசாரணை நடத்திய நயினார்கோவில் போலீஸார், அப்துல் ஹமீதை கைது செய்தனர்.