காரைக்கால் பகுதியில் அகற்றப்பட்ட சுவரொட்டி, பதாகைகள்

புதுச்சேரி சட்டப்பேரவைத் தேர்தல் ஏப்.6-ம் தேதி நடைபெற உள்ளதாக நேற்று முன்தினம் அறிவிக்கப்பட்டுள்ள நிலையில், உடனடியாக தேர்தல் நடத்தை விதிகள் அமலுக்கு வந்தன. இதையடுத்து, ஒவ்வொரு துறையும் தேர்தல் நடத்தை விதிகளை செயல்படுத்தத் தொடங்கியுள்ளன. அதன்படி, காரைக்கால் நகராட்சி ஆணையரின் அறிவுறுத்தலின்படி காரைக்கால் நகரப் பகுதியில் ஏற்கெனவே வைக்கப்பட்டிருந்த டிஜிட்டல் பதாகைகள், சுவரொட்டிகள் உள்ளிட்டவற்றை நகராட்சி ஊழியர்கள் நேற்று அகற்றினர்.