ரங்கம் கோயிலில் மாசி தெப்பத் திருவிழா

ரங்கம் ரங்கநாதர் கோயிலில் மாசி தெப்பத் திருவிழா பிப்.15-ம் தேதி தொடங்கியது. இதில் முக்கிய உற்சவமான தெப்ப உற்சவம் நேற்று இரவு நடைபெற்றது.

நம்பெருமாள் உபயநாச்சியார்களுடன் மூலஸ்தானத்திலிருந்து மேலவாசலில் உள்ள தெப்பக் குள மண்டபத்துக்கு மாலை 5 மணிக்கு வந்தார். அங்கிருந்து புறப்பட்டு தெப்பத்தில் எழுந்தருளி தெப்ப உற்சவம் கண்டருளினார். தொடர்ந்து அங்கிருந்து இரவு11.15 மணிக்கு மூலஸ்தானம் சென்றடைந்தார். இதில் ஏராளமான பக்தர்கள் பங்கேற்றனர். விழாவுக்கான ஏற்பாடுகளை கோயில் இணை ஆணையர் மாரிமுத்து, உதவி ஆணையர் கந்தசாமி உள்ளிட்டோர் செய்துள்ளனர்.