தென்காசி காசி விஸ்வநாதர் கோயிலில் மாசி மகம் விழா கொடியேற்றம்

தென்காசி காசி விஸ்வநாதர் கோயிலில் மாசி மகம் பெருவிழா நேற்று காலை 5 மணிக்கு மேல் 6 மணிக்குள் கொடியேற்றத்துடன் தொடங்கியது. கொடிமரத்துக்கு சிறப்பு அபிஷேகம், தீபாராதனை நடைபெற்றது. இதில் ஏராளமான பக்தர்கள் கலந்துகொண்டு சுவாமி தரிசனம் செய்தனர்.

வரும் 28-ம் தேதி வரை 11 நாட்கள் நடைபெறும் விழாவில் தினமும் காலையில் சுவாமிக்கு அபிஷேகம் தீபாராதனை, இரவில் மண்டகப்படி தீபாராதனை, பல்வேறு வாகனங்களில் சுவாமி வீதியுலா நடைபெறுகிறது.

வரும் 26-ம் தேதி தேரோட்டம் நடைபெறுகிறது. அன்று காலை 6 மணிக்கு மேல் சுவாமி, அம்பாள் தேருக்கு எழுந்தருளும் வைபவமும், தேரோட்டமும் நடைபெறுகிறது. விழாவுக்கான ஏற்பாடு களை இந்து சமய அறநிலையத் துறை அதிகாரிகள் மற்றும் பணியாளர்கள் செய்து வருகின்றனர்.