பிப்.6-ல் அம்பாசமுத்திரத்தில் ஸ்டாலின் தேர்தல் பிரச்சாரம்

அம்பாசமுத்திரத்தில் வரும் 6-ம் தேதி திமுக தலைவர் மு.க.ஸ்டா லின் பிரச்சாரம் செய்கிறார்.

வரும் 5-ம் தேதி காலை 8 மணிக்கு தூத்துக்குடியில் எட்டயபுரம் சாலையிலுள்ள கலைஞர் திடலிலும், மதியம் 1 மணிக்கு வைகுண்டம் பட்டாண்டிவிளை நட்டாச்சி ஊராட்சியிலும் நடைபெறும் கூட்டங்களில் அவர் பேசுகிறார். 6-ம் தேதி காலை 8 மணிக்கு நாகர்கோவில் ஸ்காட் கிறிஸ்தவ கல்லூரி மைதானம், மதியம் 1 மணிக்கு அம்பாசமுத்திரத்தில் அவர் பேசுகிறார். 7-ம் தேதி காலை 8 மணிக்கு சங்கரன்கோவிலில் சுரண்டை சாலையில் அண்ணா திடலில் நடைபெறும் கூட்டத்தில் பேசுகிறார்.

அம்பாசமுத்திரம் பொதுக் கூட்டத்துக்கான மேடை மற்றும் பந்தல் அமைப்பு பணி பூமி பூஜையுடன் நேற்று தொடங்கியது. கிழக்கு மாவட்ட திமுக செயலாளர் ரா.ஆவுடையப்பன், அவைத் தலைவர் மு.அப்பாவு, மாவட்ட துணைச் செயலாளர் எஸ்.கே.சித்திக், களக்காடு ஒன்றிய செயலாளர் ராஜன், கணேஷ்குமார் ஆதித்தன், பிரபாகரன் உள்ளிட்ட நிர்வாகிகள் பங்கேற்றனர்.