கட்டுரைப் போட்டியில் குமரி மாணவிக்கு தங்கப்பதக்கம்

திருநெல்வேலி தனித்தமிழ் இலக்கியக் கழகம் நடத்திய ஆய்வு கட்டுரைப் போட்டியில் கன்னியாகுமரி விவேகானந்தா கல்லூரி முனைவர் பட்ட ஆய்வு மாணவி பெ. சீதேவிக்கு தங்கப் பதக்கம் கிடைத்துள்ளது. திருநெல்வேலியில் வரும் 13-ம் தேதி நடைபெறும் திருவள்ளுவர் பெருவிழாவில் அவருக்கு பதக்கமும், அவர் பயிலும் கல்லூரிக்கு ரூ.25 ஆயிரம் மதிப்பில் த.பி. சொக்கலால் நினைவு வெள்ளி சுழற்கோப்பையும் வழங்கப்படுகிறது.

போட்டியில் 2-ம் இடத்தை தமிழ்நாடு திறந்தநிலை பல்கலைக்கழக முனைவர் பட்ட ஆய்வு மாணவர் இரா. குமரகுருபரனும், 3-வது இடத்தை மதுரை தியாகராஜர் கல்லூரி முனைவர் பட்ட ஆய்வு மாணவி பி. மேனகாவும் பெற்றுள்ளனர். இத்தகவலை தனித்தமிழ் இலக்கிய கழக தலைவர் பா. வளன்அரசு தெரிவித்துள்ளார்.