மேலப்பாட்டம் வெங்கடாஜலபதி கோயிலில் பிப்.1-ல் கும்பாபிஷேகம்

பாளையங்கோட்டை மேலப்பாட்டம் வெங்கடாஜலபதி கோயில் அஷ்ட பந்தன மகா கும்பாபிஷேக விழா வரும் 1-ம் தேதி நடைபெறுகிறது. இதையொட்டி இன்று மாலை 5 மணி முதல் இரவு 9 மணிவரை சிறப்பு பூஜைகள் நடைபெறுகின்றன. நாளை காலை 9 மணி முதல் மதியம் 12 மணி வரை சாந்தி ஹோமம், பிம்ப சுத்தி ஹோமம், தீபாராதனை பிரசாத விநியோகம் நடைபெறுகிறது.

மாலை 6 மணி முதல் இரவு 9 மணிவரை மூர்த்தி ஹோமம், பூர்ணாஹுதி, தீபாராதனை நடைபெறுகிறது. வரும் 1-ம் தேதி காலை 6 மணி முதல் புண்யாகம், உபரிஷ்டாதந்தரம், கடம் புறப்பாடும், காலை 9.15 மணிக்குமேல் 10.06-க்குள் மகா கும்பாபிஷேகமும் நடைபெறுகிறது. மாலையில் பெருமாள் புறப்பாடு நடைபெறுகிறது. விழா ஏற்பாடுகளை இந்து சமய அறநிலையத்துறை இணை ஆணையர் அ.தி.பரஞ்ஜோதி, உதவி ஆணையர் தி. சங்கர், செயல் அலுவலர் செ. சுஜாதா உள்ளிட்டோர் செய்துள்ளனர்.