கல்லூரி மாணவர்களுக்கு 30-ம் தேதி பேச்சுப் போட்டி

திருநெல்வேலி தனித்தமிழ் இலக்கியக் கழகம் சார்பில் கல்லூரி மாணவர்களுக்கான பேச்சுப் போட்டி வரும் 30-ம் தேதி காலை 9.30 மணிக்கு பாளையங்கோட்டை திருவனந்தபுரம் சாலையிலுள்ள மாநில தமிழ் சங்கத்தில் நடைபெறுகிறது.

அக்கழக நிர்வாகிகள் வெளியிட்ட செய்திக் குறிப்பு:

வள்ளுவத்தை வளர்க்கும் வழிமுறைகள் என்ற தலைப்பில் நடைபெறும் இப்போட்டியில் ஒவ்வொரு கல்லூரியிலிருந்தும் ஒரு மாணவர் பங்கேற்கலாம். 7 நிமிடங்கள் பேச வேண்டும்.

முதல் பரிசு பெறும் மாணவர் பயிலும் கல்லூரிக்கு வெள்ளி சுழற்கோப்பை வழங்கப்படும். முதல் 3 இடங்களை பெறுவோருக்கு முறையே மூவாயிரம், இரண்டாயிரம், ஆயிரம் ரூபாய் மதிப்புள்ள தமிழ் நூல்கள் வரும் பிப்ரவரி 13-ம் தேதி நடைபெறும் திருவள்ளுவர் பெருவிழாவில் வழங்கப்படும்.

போட்டியில் கலந்து கொள்ளும் மாணவ, மாணவிகள் தங்களது கல்லூரி முதல்வர் அல்லது தமிழ்ப் பேராசிரியரின் அறிமுக கடிதத்துடன் வரவேண்டும் என்று தெரிவிக்கப்பட்டுள்ளது.