திண்டிவனம் அருகே முகமூடி கொள்ளையர் கைவரிசை

திண்டிவனம் அருகே சின்ன நெற்குணம் கிராமத்தில் வசித்து வருபவர் வெங்கடேசன். அஞ் சலக ஊழியரான இவரின் வீட்டின் பின்புற கதவை நேற்றிரவு உடைத்து உள்ளே நுழைந்த முகமூடி அணிந்த 6 பேர் கொண்ட கும்பல், கத்தியைக் காட்டி மிரட்டி வெங்கடேசன் குடும்பத்தினர் அணிந்திருந்த நகை மற்றும் பீரோவில் இருந்த நகை உள்பட 12 1/2 பவுன் தங்க நகை மற்றும் ரூ.65 ஆயிரம் பணம் மற்றும் குடும்பத்தினர் பயன்படுத்திய 4 மொபைல் போன்களை கொள்ளையடித்து சென்றனர்.

மேலும் அருகில் வசித்து வரும் குமார் என்பவர் வீட்டின் முன்பக்க கதவில் இருந்த பூட்டை உடைத்து, உள்ளே நுழைந்த முகமூடி கொள்ளையர் குடும்பத்தினரிடம் இருந்து 5 சவரன் தங்க நகைகள் மற்றும் ரூ. 5 ஆயிரம் பணம், 3 செல்போன்கள் ஆகியவற்றை பறித்து சென்றுள்ளனர். பின்னர் வெங்கடேசன் மற்றும் குமார் வீடுகளில் பறித்த மொபைல் போன்களை தூக்கி வீசியுள்ளனர். மயிலம் போலீஸார் விசாரணை மேற்கொண்டுள்ளனர்.