பேருந்து கவிழ்ந்து 21 பேர் காயம்

கிருஷ்ணகிரி மாவட்டம் ஓசூரில் இருந்து 43 பேர் திருநள்ளாறு உள்ளிட்ட பல்வேறு சுற்றுலா தலங்களுக்கு செல்வதற்காக நேற்று அதிகாலை 2 மணியளவில் பேருந்து மூலம் புறப்பட்டனர். திருச்சி - நாமக்கல் சாலையில் முசிறியை அடுத்த மஞ்சக்கோரை பகுதியில் வந்தபோது சாலையின் இடதுபுறத்திலிருந்த வாய்க்காலில் பேருந்து கவிழ்ந்தது.

இந்த விபத்தில் பேருந்தில் பயணித்த ஜெயலெட்சுமி, சந்திரன், ஜெகதீஷ், ராமதேவி உட்பட 21 பேர் காயம் அடைந்தனர்.

இவர்களில் 11 பேர் முசிறி அரசு மருத்துவமனையிலும், 10 பேர் ரங்கம் அரசு மருத்துவமனையிலும் சேர்க்கப்பட்டனர். விபத்து குறித்து வாத்தலை போலீஸார் விசாரித்து வருகின்றனர்.