வியாபாரிகள் சங்க ஆண்டுவிழா

வள்ளியூர் வியாபாரிகள் சங்க ஆண்டு விழா நடைபெற்றது. சங்க தலைவர் பி.டி.பி.சின்னதுரை தலைமை வகித்தார். செயலாளர் எஸ்.ராஜ்குமார் சங்கத்தின் ஆண்டறிக்கை வாசித்தார். பொருளாளர் என்.சங்கரன் வரவு செலவுகணக்கு சமர்ப்பித்தார். வியாபாரிகள் சங்க உறுப்பினர்களின் குழந்தைகளில் பிளஸ் 2 தேர்வில்அதிக மதிப்பெண் பெற்றவர்களுக்கு பரிசுகள் வழங்கப்பட்டன.

வள்ளியூர் ரயில்வே சுரங்க சாலைப் பணியை விரைந்து முடிக்க நடவடிக்கை எடுக்க வேண்டும். வள்ளியூர்- ராஜபுதூர் சாலை சந்திப்பில் மேம்பாலம் அமைக்க வேண்டும் உள்ளிட்ட தீர்மானங்கள் நிறைவேற்றப்பட்டன. நிர்வாக கமிட்டி உறுப்பினர்கள் பங்கேற்றனர். சங்க துணைச் செயலாளர் எம்.பீர்ஜலால் நன்றி கூறினார்.