காளான் வளர்ப்பு பயிற்சி முகாம்

திருவண்ணாமலை: திருவண்ணாமலை மாவட்டம் வெம்பாக்கம் அடுத்த கீழ்நெல்லி கிராமத்தில் உள்ள வேளாண் அறிவியல் மையத்தில் காளான் வளர்ப்பு பயிற்சி முகாம் நேற்று முன்தினம் நடைபெற்றது.

வேளாண் அறிவியல் மைய முதுநிலை விஞ்ஞானி சுரேஷ் தலைமை வகித்தார். மேலும் அவர், தொழில் சார்ந்த பயிற்சிகள் மற்றும் அதன் முக்கியத்துவத்தை எடுத்துரைத்தார். வேளாண் அறிவியல் மைய பயிர் பாதுகாப்பு தொழில் நுட்ப வல்லுநர் நாராயணன் கலந்துகொண்டு காளான் விதை உற்பத்தி, காளான் படுக்கைகள் தயாரிக்கும் முறை, பராமரிப்பு மற்றும் அறுவடை குறித்து எடுத்துரைத்து விளக்கினார். இந்த முகாமில் 26 விவசாயிகள் மற்றும் இளைஞர்கள் கலந்துகொண்டனர்.