நாடு முழுவதும் புதிதாக 10,126 பேருக்கு கரோனா வைரஸ் தொற்று உறுதி :

புதுடெல்லி: மத்திய சுகாதார அமைச்சகம் நேற்று காலை வெளியிட்ட புள்ளிவிவரம் வருமாறு: cநாட்டில் கடந்த 24 மணி நேரத்தில் 10,126 பேருக்கு கரோனா தொற்று ஏற்பட்டுள்ளது. கடந்த 266 நாட்களில் மிகக் குறைந்த எண்ணிக்கை இதுவாகும். கரோனா மொத்த நோயாளிகள் எண்ணிக்கை 3 கோடியே 43 லட்சத்து 77,113 ஆக உயர்ந்துள்ளது.

கரோனா தொற்றுக்கு கடந்த 24 மணி நேரத்தில் 332 பேர் உயிரிழந்தனர். இதன் மூலம் உயிரிழந்தோர் மொத்த எண்ணிக்கை 4 லட்சத்து 61,389 ஆக அதிகரித்துள்ளது. குணம் அடைந்தோர் விகிதம் 98.25 சதவீதமாக உள்ளது. 2020 மார்ச்சுக்கு பிறகு இது மிக அதிக அளவாகும். கடந்த 24 மணி நேரத்தில் 11,982 பேர் டிஸ்சார்ஜ் ஆகியுள்ளனர். இதன்மூலம் குணமடைந்தோர் மொத்த எண்ணிக்கை 3 கோடியே 37 லட்சத்து 75,086 ஆக உயர்ந்துள்ளது.

கரோனா தொற்றுக்கு தற்போது 1 லட்சத்து 40,638 பேர் சிகிச்சையில் உள்ளனர். இது கடந்த 263 நாட்களில் மிகக்குறைவு ஆகும். நாட்டின் மொத்த நோயாளிகளில் 0.41 சதவீதம் பேர் தற்போது சிகிச்சையில் உள்ளனர். இது, 2020 மார்ச்சுக்கு பிறகு மிகக் குறைவாகும். இவ்வாறு அதில் கூறப்பட்டுள்ளது.