அடுத்த ஆண்டுஹஜ் யாத்திரைக்குமுன்பதிவு தொடக்கம்

அடுத்த ஆண்டுக்கான ஹஜ் யாத்திரை குறித்து ஹஜ் குழு மற்றும் நிர்வாகிகளுடன் மத்திய சிறுபான்மையினர் நலத் துறை அமைச்சர் முக்தர் அப்பாஸ் நக்வி மும்பையில் நேற்று ஆலோ

சனை நடத்தினார். பின்னர் அவர்

கூறியதாவது:

அடுத்த 2021-ம் ஆண்டில் ஹஜ் புனிதப் பயணத்துக்கான முன்பதிவு தொடங்கி உள்ளது. விருப்பம் உள்ளவர்கள் இணைய வழியிலோ, அஞ்சல் மூலமோ ஹஜ் செல்போன் செயலி மூலமோ வரும் டிசம்பர் 10-ம் தேதிக்குள் முன்பதிவு செய்து கொள்ள வேண்டும்.

கரோனா சூழலை கருத்தில் கொண்டு ஹஜ் பயணம் புறப்படும் இடம் 21-ல் இருந்து 10 ஆகக் குறைக்கப்பட்டுள்ளது. இந்தப் பயணத்துக்கு ஆண்துணை இல்லாமல் செல்லும்பெண்களும் விண்ணப்பிக்கலாம். இந்தப் பயணத்துக்கு கரோனா இல்லை என்ற சான்றிதழ் அவசியம்.

இவ்வாறு நக்வி தெரிவித்தார்.