ப்ரீமியம்
இன்ஸ்டா மறதி | சைபர் வெளி

இன்ஸ்டா மறதி: பயனாளிகள் பற்றி இன்ஸ்டகிராம் அறிந்து வைத்திருப்பதை எல்லாம் மறந்துபோக வைக்கும் புதிய வசதியை மெட்டா அறிமுகம் செய்ய இருக்கிறது. ‘ரெகமண்டேஷன் ரீசெட்’ எனும் இந்த வசதி மூலம், இன்ஸ்டகிராமின் அல்காரிதம் உங்களைப் பற்றி அறிந்து வைத்திருக்கும் எல்லாவற்றையும் மாற்றி அமைத்துப் புதிதாகத் தொடங்கலாம்.

பயனாளிகளின் விருப்பு வெறுப்புகளுக்கு ஏற்ப இன்ஸ்டாவின் அல்காரிதம் அவர்களுக்கான உள்ளடக்கத்தைப் பரிந்துரைப்பது தொடர்பாகக் கடுமையான விமர்சனங்கள் தொடரும் நிலையில், இந்த வசதி அறிமுகம் ஆகிறது. ஆனால் ஒன்று, மாற்றி அமைத்த பிறகு இன்ஸ்டா அல்காரிதம் மீண்டும் பயனாளிகளைப் புரிந்துகொண்டு அவர்களுக்கு ஏற்ப உள்ளடக்கத்தை முன்னிறுத்தும். ஆக, இன்ஸ்டாவிலிருந்து முழு விடுதலை சாத்தியம் இல்லை.