ப்ரீமியம்
பிளஸ் 2 முடிவுகள் ஹைலைட்ஸ் முதல் கர்நாடக அப்டேட் வரை: செய்தித் தெறிப்புகள் 10 @ மே 8, 2023

பிளஸ் 2 தேர்வு முடிவுகள் - அரசுப் பள்ளிகளில் 89.80% தேர்ச்சி: தமிழகத்தில் பிளஸ் 2 தேர்வு முடிகள் திங்கள்கிழமை வெளியிடப்பட்டன. இதில் 7 லட்சத்து 55 ஆயிரத்து 451 மாணவ, மாணவிகள் தேர்ச்சி பெற்றுள்ளனர். தேர்ச்சி சதவீதம் 94.03% ஆகும். இந்தத் தேர்வில் 47,934 மாணவ, மாணவியர்கள் தேர்ச்சி பெறவில்லை. தேர்ச்சி பெறாதவர்களுக்கு ஜூன்19-ம் தேதி முதல் துணைத்தேர்வுகள் நடைபெறுகிறது.

பிளஸ் 2 பொதுத் தேர்வில் மாணவர்களை விட மாணவிகள் 4.93 சதவீதம் அதிகம் தேர்ச்சி பெற்றுள்ளனர். தேர்ச்சி பெற்ற மாணவியர்களின் எண்ணிக்கை 4 லட்சத்து 05 ஆயிரத்து 753. தேர்ச்சி சதவீதம் 96.38. தேர்ச்சி பெற்ற மாணவர்களின் எண்ணிக்கை 3 லட்சத்து 49 ஆயிரத்து 697. தேர்ச்சி சதவீதம் 91.45.