மத்திய அரசின் 3 ஆண்டு சாதனைகள் விளக்கும் கண்காட்சி

பிரதமர் நரேந்திர மோடி தலைமையிலான அரசின் மூன்றாண்டு சாதனைகளை விளக்கும் கண்காட்சி தமிழகம் மற்றும் புதுச்சேரியில் 12 இடங்களில் நடைபெற உள்ளன.

நாடெங்கும் 300 இடங்களில் இந்தக் கண்காட்சிகள் நடக்கின்றன. தமிழகம் மற்றும் புதுச்சேரியில் 12 இடங்களில் இந்தக் கண்காட்சிகள் நடைபெறுகின்றன. இதைத் தவிர, முக்கிய இடங்களில் பிரச்சாரம் செய்யப்படும். இந்தக் கண்காட்சி வார இறுதி நாட்களில் நடைபெறும்.

ஜூன் 2 முதல் 4-ம் தேதி வரை தென் சென்னை, மதுரை, கோவை, புதுச்சேரியிலும், ஜூன் 9 முதல் 11-ம் தேதி வரை திருவள்ளூர், திருநெல்வேலி, திருப்பூர், திருவண்ணாமலையிலும், ஜூன் 16 முதல் 18-ம் தேதி வரை வேலூர் மேற்கு, தூத்துக்குடி, ஈரோடு, சேலம் ஆகிய நகரங்களில் இக்கண்காட்சி நடைபெறும். மத்திய பத்திரிகை தகவல் அலுவலகம் வெளியிட்டுள்ள செய்திக் குறிப்பில் இத்தகவல் தெரிவிக்கப்பட்டுள்ளது.