ப்ரீமியம்
போகி | பழைய பொருட்கள் எரிக்கப்படுவதைத் தடுக்க சென்னை மாநகராட்சி புதிய முயற்சி!

சென்னை: போகிப் பண்டிகையின்போது பொதுமக்கள் பழைய பொருட்கள் எரிப்பதைத் தடுக்க புதிய வியூகம் ஒன்றை வகுத்துள்ளது சென்னை மாநகராட்சி. இதையொட்டி, சென்னைவாசிகளுக்கு மாநகராட்சி கோரிக்கை ஒன்றையும் முன்வைத்துள்ளது.

சென்னை மற்றும் புறநகர் பகுதிகளில் போகி பண்டிகையின்போது பொதுமக்கள் பொருட்களை எரிப்பதால் காற்று மிகவும் மோசடைந்து மக்கள் சுவாசிக்க சிரமப்படும் நிலை ஏற்படுகிறது. குறிப்பாக, அதிகாலை எரிக்கப்படும் துணிகள், டயர், டியூப், பிளாஸ்டிக் போன்ற நச்சுப் பொருட்களால், காற்றில் நச்சு நுண் துகள்கள் அதிகளவில் படிந்து, காற்று மாசை ஏற்படுத்துகிறது. அந்தக் காற்றை சுவாசிக்கும் ஆஸ்துமா நோயாளிகள், முதியவர்கள், குழந்தைகள் மற்றும் நாள்பட்ட நோயாளிகள் மூச்சுத்திணறல் போன்ற உடல் ரீதியாகவும் பாதிக்கப்படுகின்றனர். மேலும், புகைமூட்டத்தால் விமான போக்குவரத்து முதல் சாலையோர போக்குவரத்து வரை பாதிக்கப்படுகிறது.