சென்னை அண்ணா மேம்பாலத்தில் இருந்து மினி லாரி கவிழ்ந்து விபத்து

சென்னை அண்ணா மேம்பாலத்தில் இன்று (செவ்வாய்க்கிழமை) அதிகாலை மினி லாரி கவிழ்ந்து விபத்துக்குள்ளானது.

மினி லாரி ஓட்டுநர் தூங்கியதால் விபத்து ஏற்பட்டிருக்கலாம் எனக் கூறப்படுகிறது. லாரி ஓட்டுநர் ராயப்பேட்டை அரசு மருத்துவமனையில் அனுமதிக்கப்பட்டுள்ளார்.

மினி லாரி மோதியதால் மேம்பாலத்தின் சுவர் இடிந்தது. மேம்பாலத்தின்கீழ் நிறுத்தி வைக்கப்பட்டிருந்த ஆட்டோ முழுமையாக சேதமடைந்தது. இது தவிர மேம்பாலத்தின் கீழ் நிறுத்திவைக்கப்பட்டிருந்த 2 மினி வேன்கள் முழுமையாக சேதமடைந்தன.

இச்சம்பவம் தொடர்பாக பாண்டிபஜார் போலீஸார் விசாரணை நடத்தி வருகின்றனர்.

இடிந்துபோன தடுப்புச் சுவர் | படம்: டி.கே.ரோகித்.