விவசாய கடன் அட்டை வழங்க சிறப்பு முகாம் இன்று தொடக்கம்

சென்னை: பிஎம் கிசான் திட்டத்தின் கீழ், விவசாய கடன் அட்டை வழங்குவதற்கான சிறப்பு முகாம், சென்னையைத் தவிர அனைத்து மாவட்டங்களிலும் இன்று முதல் மே 1 வரை நடைபெறுகிறது.

இதுகுறித்து தமிழக அரசு நேற்றுவெளியிட்ட அறிக்கையில் ‘‘மத்தியஅரசு வழிகாட்டுதலின்படி, பயனாளிகளுக்கு விவசாய கடன் அட்டை வழங்கும் சிறப்பு முகாம் இன்றுமுதல் (ஏப்.24) மே 1-ம் தேதி வரைசென்னை தவிர, அனைத்து மாவட்டங்களிலும் நடைபெறவுள்ளது.

இன்று நடைபெறும் சிறப்பு கிராமசபைக் கூட்டத்தில் கூட்டப் பொருளாகமேற்கண்ட திட்ட பயனாளிகளுக்கு விவசாய கடன் அட்டை வழங்க ஏற்பாடுகள் செய்யப்பட்டுள்ளன’’ என்று கூறப்பட்டுள்ளது.