‘ஜோவத்’ புயல் எச்சரிக்கை; ரயில் சேவை மாற்றம்: தெற்கு ரயில்வே நிர்வாகம்

‘ஜோவத்’ புயல் காரணமாக ரயில் சேவைகளில் மாற்றம் செய்யப்பட்டுள்ளதாகத் தெற்கு ரயில்வே நிர்வாகம் அறிவித்துள்ளது.

இதுகுறித்து தெற்கு ரயில்வே நிர்வாகம் இன்று வெளியிட்டுள்ள செய்திக்குறிப்பு:

'ஜோவத்' சூறாவளி காரணமாக ரயில் சேவைகளில் பின்வரும் மாற்றங்களைக் கிழக்கு கடற்கரை ரயில்வே அறிவுறுத்தியுள்ளது. அதன்படி, சில ரயில்கள் சேவை ரத்து செய்யப்படுவதுடன், பயணப் பாதைகள் மாற்றி அமைக்கப்பட்டுள்ளன.

ரயில் சேவைகள் ரத்து விவரங்கள் பின்வருமாறு:

1. ரயில் எண் 12840 (04.12.21) டாக்டர் எம்ஜிஆர் சென்னை சென்ட்ரல் - ஹவுரா சூப்பர் ஃபாஸ்ட் மெயில்
2. ரயில் எண் 13351 (04.12.21) தன்பாத் - ஆலப்புழா எக்ஸ்பிரஸ்
3. ரயில் எண் 12375 (04.12.21) தாம்பரம் - ஜசிதி வாராந்திர சூப்பர்ஃபாஸ்ட் எக்ஸ்பிரஸ்
4. ரயில் எண் 12839 (04.12.21) ஹவுரா - டாக்டர் எம்ஜிஆர் சென்னை சென்ட்ரல் சூப்பர்ஃபாஸ்ட் மெயில்
5. ரயில் எண் 22606 (04.12.21) அன்று விழுப்புரம் ஜே.என் - புருலியா இரு வாராந்திர சூப்பர் ஃபாஸ்ட் எக்ஸ்பிரஸ்
6. ரயில் எண் 12842 (05.12.21) டாக்டர் எம்ஜிஆர் சென்னை சென்ட்ரல் - ஹவுரா கோரமண்டல் சூப்பர் ஃபாஸ்ட் எக்ஸ்பிரஸ்
7. ரயில் எண் 22859(05.12.21) பூரி - டாக்டர் எம்ஜிஆர் சென்னை சென்ட்ரல் வாராந்திர சூப்பர் ஃபாஸ்ட் எக்ஸ்பிரஸ்

குறிப்பிட்ட ரயில் சேவைகள் இன்றும், நாளையும் ரத்து செய்யப்படுவதாக அறிவிக்கப்பட்டுள்ளது.

இதேபோல் ரயில் எண் 13352 ஆலப்புழா - தன்பாத் எக்ஸ்பிரஸ், 04 டிசம்பர் 2021 இன்று ஆலப்புழாவில் இருந்து மாலை 6.00 மணிக்குப் புறப்படத் திட்டமிடப்பட்டு, கூடூர், பல்ஹர்ஷா மற்றும் ஜார்சுகுடா என மாற்று வழியில் இயக்கப்படும் என கிழக்கு கடற்கரை ரயில்வே அறிவித்துள்ளதாகத் தெற்கு ரயில்வே செய்திக்குறிப்பில் தெரிவிக்கப்பட்டுள்ளது.