அகலப் பாதை பணிகளால் ரயில் போக்குவரத்தில் மாற்றம்

தெற்கு ரயில்வே மதுரை கோட்டம் வெளியிட்ட செய்திக்குறிப்பு:

தாம்பரம் - செங்கல்பட்டு ரயில் நிலையங்களுக்கு இடையே 3-வது அகல ரயில் பாதை பணிகள் நடைபெற இருப்பதால், ரயில் போக்குவரத்தில் பல்வேறு மாற்றங்கள் செய்யப்பட்டுள்ளன.

வரும் 19-ம் தேதி கன்னியாகுமரியில் இருந்து புறப்படும் வண்டி எண் 02634 கன்னியாகுமரி - சென்னை அதிவிரைவு சிறப்பு ரயில் செங்கல்பட்டு - சென்னை இடையே பகுதியாக ரத்து செய்யப்படுகிறது.

மேலும் அன்று குருவாயூரில் இருந்து புறப்படும் வண்டி எண் 06128 குருவாயூர்- சென்னை சிறப்பு ரயில் விழுப்புரம் - சென்னை இடையே பகுதியாக ரத்து செய்யப்படுகிறது.

வரும் 19, 20-ம் தேதிகளில் திருநெல்வேலியில் இருந்து புறப்படும் வண்டி எண் 02632 நெல்லை- சென்னை சிறப்பு ரயில், வரும் 20-ம் தேதி சென்னையில் இருந்து புறப்படும் வண்டி எண் 02693 சென்னை - தூத்துக்குடி முத்துநகர் சிறப்பு ரயில், வண்டி எண் 06723 சென்னை - கொல்லம் அனந்தபுரி சிறப்பு ரயில் ஆகியவை சென்னை - செங்கல்பட்டு இடையே பகுதியாக ரத்து செய்யப்படுகிறது.

வரும் 21-ம் தேதி சென்னையில் இருந்து புறப்படும் வண்டி எண் 06105 சென்னை - திருச்செந்தூர் சிறப்பு ரயில் மற்றும் வண்டி எண் 06851 சென்னை - ராமேசுவரம் சிறப்பு ரயில், வரும் 20, 21-ம்தேதிகளில் சென்னையிலிருந்து புறப்படும் வண்டி எண் 02661 சென்னை - செங்கோட்டை பொதிகை சிறப்பு ரயில் ஆகியவை சென்னை - செங்கல்பட்டு இடையே பகுதியாக ரத்து செய்யப்படுகிறது. வரும் 20ம் தேதி தூத்துக்குடி, கொல்லம் மற்றும் திருச்செந்தூரில் இருந்து புறப்படும் வண்டி எண் 02694 தூத்துக்குடி - சென்னை முத்துநகர் சிறப்பு ரயில், வண்டி எண் 06724 கொல்லம் - சென்னை அனந்தபுரி சிறப்பு ரயில், வண்டி எண் 06106 திருச்செந்தூர் - சென்னை செந்தூர் சிறப்பு ரயில் ஆகியவை வழக்கமான தாம்பரம், மாம்பலம் வழியாக இயக்கப்படுவதற்கு பதிலாக காஞ்சிபுரம், திருத்தணி வழியாக இயக்கப்படும் என்று தெரிவிக்கப்பட்டுள்ளது.