திருச்சியில் திமுக சைக்கிள் பேரணி

திருச்சி தெற்கு மாவட்ட திமுக சார்பில், 'ஸ்டாலின்தான் வர்றாரு.. விடியல் தரப் போறாரு..' என்ற பாடல் அறிமுக நிகழ்ச்சி மற்றும் சைக்கிள் பேரணி திருச்சியில் நேற்று நடைபெற்றது.

கீழரண் சாலையிலிருந்து புறப்பட்ட சைக்கிள் பேரணியில், தெற்கு மாவட்ட திமுக பொறுப்பாளரும், திருவெறும்பூர் தொகுதி எம்எல்ஏவுமான அன்பில் மகேஷ் பொய்யாமொழி, பகுதி செயலாளர்கள் மதிவாணன், மண்டி சேகர், பாலமுருகன், மாநில இளைஞரணி புரவலர் வழக்கறிஞர் செந்தில், அணி அமைப்பாளர்கள் லீலா வேலு, வெங்கடேஷ்குமார், டாக்டர் இப்ராகிம், ஜெயச்சந்திரன், ராக்போர்ட் இன்பா, உதயகுமார் உள்ளிட்டோர் கலந்துகொண்டனர். ஆண்டாள் தெருவில் நடைபெற்ற பேரணியின் முடிவில், பாடலை அறிமுகப்படுத்தி அன்பில் மகேஷ் பொய்யாமொழி பேசினார்.