மும்பையில் இருந்து புதுக்கோட்டை மாவட்டத்துக்குத் திரும்பிய 5 பேருக்கு கரோனா

மும்பையில் இருந்து புதுக்கோட்டை மாவட்டத்துக்குத் திரும்பிய 5 பேருக்கு கரோனா தொற்று உறுதியாகியுள்ளது.

மகாராஷ்டிர மாநிலம் மும்பை பகுதியில் இருந்து புதுக்கோட்டை மாவட்டத்துக்கு 2 தினங்களுக்கு முன்பு திரும்பிய 42 பேரை கறம்பக்குடி மற்றும் காட்டாத்தி ஆகிய அரசுப் பள்ளிகளில் தங்க வைத்துப் பரிசோதித்தனர்.

இதில், கரோனா தொற்று உறுதி செய்யப்பட்ட சிவகங்கை மாவட்டத்தைச் சேர்ந்த ஒருவர் மற்றும் புதுக்கோட்டை மாவட்டத்தைச் சேர்ந்த 4 பேர் என மொத்தம் 5 பேரும் புதுக்கோட்டை டாக்டர் முத்துலெட்சுமி ரெட்டி நினைவு அரசு மருத்துவமனையில், மாநிலத்தில் முன்மாதிரியாக அமைக்கப்பட்டுள்ள கோவிட் நலவாழ்வு மையத்தில் இன்று (மே 20) சிகிச்சைக்காகச் சேர்க்கப்பட்டனர். இம்மையத்தில், ஏற்கெனவே ஒருவர் சிகிச்சையில் இருப்பது குறிப்பிடத்தக்கது.