மகாராஷ்டிராவை விட தமிழகம் பல துறைகளில் முன்னேறிய மாநிலம்: ஆளுநர் பன்வாரிலால் புரோஹித் பேச்சு

மகாராஷ்டிராவை விட தமிழகம்தான் பலதுறைகளில் முன்னேறிய மாநிலமாக உள்ளது என்று ஆளுநர் பன்வாரிலால் புரோஹித் பேசியுள்ளார்.

சென்னை கிண்டியில் நடைபெறும் 6வது உலகத் தமிழர் பொருளாதார மாநாட்டில் கலந்து கொண்டு பன்வாரிலால் புரோஹித் பேசிய போது இதனைத் தெரிவித்தார்.

அவர் மேலும் கூறியதாவது:

தமிழகம் பன்முகத்தன்மை வாய்ந்த மனித வளத்தைக் கொண்டுள்ளது. ஆட்டோ மொபைல், ரசாயனம், டெக்ஸ்டைல் போன்ற துறைகளில் தமிழகம் முதலிடம் வகித்து வருகிறது.

நான் மகாராஷ்ட்ராவைச் சேர்ந்தவர் மகாராஷ்ட்ரா சிறந்து விளங்குகிறது என்று கூறிவந்தேன், ஆனால் இங்கு வந்தபிறகு தெரிந்தது தமிழ்நாடு நம்பர்1, மகாராஷ்டிரா 2ம் இடம்.

இது பாரபட்சமற்ற ஒரு முடிவாகும். நான் மகாராஷ்டிர மாநிலத்தைச் சேர்ந்தவராக இருந்தாலும் இதைக் கூறுகிறேன், இதில் பாரபட்சமில்லை, என்றார்.