Published : 25 Jul 2015 11:43 AM
Last Updated : 25 Jul 2015 11:43 AM
சென்னையில் நடைபெற்ற மாநில அளவிலான கிக்பாக்ஸிங் போட்டி களில் கலசலிங்கம் பல்கலைக்கழக மாணவ ர்கள் ஒரு தங்கம், 4 வெள்ளி மற்றும் 2 வெண்கலப் பதக்கங்களை வென்றனர்.
சென்னை மாநில கிக்பாக்ஸிங் சங்கம் சார்பில், மாநில அளவிலான கிக்பாக்ஸிங் சாம்பியன்ஷிப் போட்டிகள் சென்னையில் நடை பெற்றன. பல்வேறு மாவட்டங்களிலிருந்தும் 400-க்கும் மேற்பட்டோர் பங்கேற்றனர்.
இப்போட்டியில், கிருஷ்ணன்கோவில் அருகே உள்ள கலசலிங்கம் பல் கலைக்கழக 4-ம் ஆண்டு இசிஇ மாணவர் எஸ். மகாசுரேஷ் 63 கிலோ எடைப் பிரிவு லோ-கிக் போட்டியில் தங்கம் வென்றார். மேலும், பாயிண்ட் ப்பைட் முறை போட்டியில் வெண்கலப் பதக்கம் வென்றார்.
4-ம் ஆண்டு ஆட்டோமொபைல் மாணவர் எஸ். ஷோயல்பால் தாமஸ் 57 கிலோ எடை பிரிவில் லோ-கிக் போட்டியில் வெள்ளிப் பதக்கம், புல்-காண்டாக்ட் போட்டி யில் வெண்கலம் வென்றார். 3-ம் ஆண்டு இயந்திர பொறியியல் மாணவர் கே.வி.ராம்பிரசாத் 69 கிலோ எடைப் பிரிவில் பாயிண்ட் பைட் போட்டியில் வெள்ளிப் பதக்கம் வென்றார். 2-ம் ஆண்டு பி.ஆர்க் மாணவர் ஏ.எஸ். ஆதவமகாகணபதி 74 கிலோ எடைப் பிரிவில் புல்-காண்டாக்ட் போட்டியிலும், பாயிண்ட் பைட் முறையில் வெள்ளிப் பதக்கம் வென்றார்.
மேலும், ஒட்டுமொத்த சாம்பியன் போட்டியில் 2-ம் இடம் பெற்று வெள்ளிப் பதக்கத்தையும் வென்றனர். பல்கலைக்கழக வேந்தர் கே.தரன், துணைவேந்தர் சரவண சங்கர், பதிவாளர் வாசுதேவன், உடற்கல்வி இயக்குநர்கள் விஜயலட்சுமி, செல்வ கணேஷ், பரமசிவம் ஆகியோர் மாணவர்களை பாராட்டினர்.
Sign up to receive our newsletter in your inbox every day!
WRITE A COMMENT