கலை அறிவியல் கல்லூரிகள் நாளை திறப்பு

தமிழகத்தில் உள்ள கலை அறிவியல் கல்லூரிகள் நாளை திறக்கப்படுகின்றன.

தமிழகத்தில் உள்ள கலை அறிவியல் கல்லூரிகளுக்கு செமஸ்டர் தேர்வுகள் முடிவடைந்து ஏப்ரல் முதல் வாரத்தில் கோடை விடுமுறை விடப்பட்டிருந்தது. இந்த நிலையில், விடுமுறைக்குப் பிறகு தமிழகத்தில் உள்ள அனைத்து அரசு மற்றும் அரசு உதவி பெறும் கல்லூரிகள், தனியார் கல்லூரிகள் 18-ம் தேதி (நாளை) திறக்கப்படும் என்று கல்லூரி கல்வி இயக்குநர் பேராசிரியர் எம்.தேவதாஸ் தெரிவித்தார்.

அரசு கல்லூரிகளில் முதல் ஆண்டு சேரும் மாணவர்களுக்கு ‘பிரிட்ஜ் கோர்ஸ்’ என்ற சிறப்பு முன்தயாரிப்பு பயிற்சியை நடத்த திட்டமிடப்பட்டிருந்தது. ஆனால், இதுகுறித்து இன்னும் இறுதிமுடிவு எடுக்கப்படவில்லை என்று கல்லூரி கல்வி இயக்கக அதிகாரிகள் தெரிவித்தனர்.