3 தேர்வு முடிவுகள்: டிஎன்பிஎஸ்சி வெளியிட்டது

தமிழ்நாடு அரசு பணியாளர் தேர்வாணையத்தின் (டிஎன்பிஎஸ்சி) தேர்வு கட்டுப்பாட்டு அதிகாரி வெ.ஷோபனா நேற்று வெளியிட்ட செய்திக்குறிப்பில் கூறியிருப்பதாவது:

தமிழ்நாடு எழுதுபொருள் மற்றும் அச்சுப்பணியில் அடங்கிய உதவி பணி மேலாளர் பதவியில் 8 காலியிடங்களை நிரப்புவதற்கு கடந்த 1.11.2014 அன்றும், தமிழ்நாடு இந்து சமய அறநிலைய ஆட்சித்துறை சார்நிலைப் பணியில் செயல் அலுவலர் (கிரேடு-4) பதவியில் 23 காலியிடங்களை நிரப்ப 16.11.2013 அன்றும், கால்நடை பராமரிப்பு சார்நிலைப் பணியில் அடங்கிய புள்ளியியல் ஆய்வாளர் பதவியில் 6 காலியிடங்களை நிரப்புவதற்காக 11.10.2014 அன்றும் எழுத்துத் தேர்வு நடத்தப்பட்டது.

இத்தேர்வுகளின் முடிவுகள் டிஎன்பிஎஸ்சி இணையதளத்தில் (www.tnpsc.gov.in) வெளியிடப்பட்டுள்ளன. அடுத்த கட்ட தேர்வான நேர்காண லுக்கு தேர்வு செய்யப்பட்ட விண்ணப்பதா ரர்களின் பதிவெண்களை இந்த இணைய தளத்தில் தெரிந்து கொள்ளலாம்.