அரசுக் கல்லூரி உதவிப் பேராசிரியர் பட்டியல் வெளியீடு

அரசுக் கல்லூரி உதவி பேராசிரியர் நியமனத்தில் வரலாறு, புவியியல் உட்பட 12 பாடங்களுக்கு தேர்வுப் பட்டியல் வெளியிடப்பட்டுள்ளது. மனித உரிமைகள், சுற்றுலா மற்றும் பயண மேலாண்மை ஆகிய 2 பாடங் களுக்கு மட்டும் தேர்வுப் பட்டியல் நிறுத்தி வைக்கப்பட்டுள்ளது.

அரசு கலை அறிவியல் கல்லூரிகளுக்கு 1,095 உதவி பேராசிரியர்களை தேர்வுசெய்யும் பணியை ஆசிரியர் தேர்வு வாரியம் மேற்கொண்டு வருகிறது. மதிப்பெண் பட்டியல் கடந்த 31-ம் தேதி வெளியிடப்பட்டது.

மனித உரிமைகள், சுற்றுலா மற்றும் பயண மேலாண்மை ஆகிய 2 பாடங்கள் நீங்கலாக எஞ்சிய 12 பாடங்களுக்கான இறுதி தேர்வுப் பட்டியலை ஆசிரியர் தேர்வு வாரியம் இணையதளத்தில் (www.trb.tn.nic.in) வெளியிட்டுள்ளது. தேர்வு செய்யப்பட்டவர்களுக்கு பணிநியமன ஆணை கல்லூரி கல்வி இயக்குநரகம் மூலமாக வழங்கப்படும் என்று தெரிவி்க்கப்பட்டுள்ளது.