தமிழ்நாடு மாநில தேர்தல் ஆணையராக சீத்தாராமன் நியமனம்

தமிழ்நாடு மாநில தேர்தல் ஆணையராக ஐ.ஏ.எஸ். அதிகாரி பெ.சீத்தாராமன் நியமிக்கப் பட்டுள்ளார். இதற்கான அறிவிக்கையை தமிழக அரசின் தலைமைச் செயலாளர் கு.ஞானதேசிகன் நேற்று வெளியிட்டார்.

இதுதொடர்பாக அவர் நேற்று வெளியிட்ட அறிவிக்கை:

‘தமிழ்நாடு மாநிலத் தேர்தல் ஆணையராக ஐ.ஏ.எஸ். அதிகாரி பெ.சீத்தாராமனை ஆளுநர் நியமித்துள்ளார். இவர் 2 வருடங்களுக்கு இப்பதவியை வகிப்பார். சீத்தாராமன், இதற்கு முன்பாக மதுவிலக்கு மற்றும் ஆயத்தீர்வை ஆணையராக பதவி வகித்து வந்தார்’ என அந்த அறிவிக்கையில் கூறப்பட்டுள்ளது.

முன்னதாக மாநில தேர்தல் ஆணையராக இருந்த சோ.அய்யர் பணி ஓய்வுபெற்றதை அடுத்து சீத்தாராமன் நியமிக்கப்பட்டுள்ளார்.