பேரவை அலுவல் ஆய்வுக் குழு கூட்டம்: திமுக வெளிநடப்பு

தமிழக சட்டப் பேரவைத் தலைவர் தலைமையில் நேற்று நடைபெற்ற பேரவை அலுவல் ஆய்வுக் குழுக் கூட்டத்தில் இருந்து திமுக வெளிநடப்பு செய்தது.

இது குறித்து அலுவல் ஆய்வுக்குழு கூட்டத்தில் கலந்து கொண்ட திமுக கொறடா ஆர்.சக்கரபாணி செய்தியாளர்களிடம் கூறியதாவது:

தமிழக சட்டப்பேரவை கூட்டத் தொடர் 4 நாட்களுக்கு நடைபெறும் என பேரவைத் தலைவர் அறிவித்துள்ளார்.

மக்களின் பிரச்சினைகள் குறித்து பேச 4 நாட்கள் போதாது. குறைந்தபட்சம் 10 நாட்களாவது கூட்டத் தொடரை நடத்த வேண்டும் என வலியுறுத்தினோம். ஆனால், பேரவைத் தலைவர் அதற்கு ஒப்புக்கொள்ளவில்லை. ஆகவே, அலுவல் ஆய்வுக்குழு கூட்டத்தில் இருந்து வெளிநடப்பு செய்தோம்.

இவ்வாறு சக்கரபாணி தெரிவித்தார்.