தமிழக வாக்காளர்களின் எண்ணிக்கை 5.62 கோடி: சந்தீப் சக்சேனா தகவல்

ஜனவரி 1-ம் தேதியை அடிப்படையாகக் கொண்டு தயாரிக்கப்பட்ட வாக்காளர் சுருக்கமுறை சிறப்புத் திருத்த இறுதிப் பட்டியல் இன்று (திங்கள்கிழமை) வெளியிடப்பட்டது.

புதிதாக பெயர் சேர்க்கப்பட்டவர்களுக்கு வரும் 25-ம் தேதி வாக்காளர் தினத்தில், வண்ண வாக்காளர் அடையாள அட்டைகள் வழங்கப்படும் என அறிவிக்கப்பட்டுள்ளது.

இது குறித்து தலைமை தேர்தல் ஆணையர் சந்திப் சக்சேனா கூறும்போது, "தமிழ்நாட்டில் மொத்தம் 5 கோடியே 62 லட்சம் வாக்காளர்கள் உள்ளனர். கடந்த ஆண்டை விட 14 லட்சம் வாக்காளர்கள் புதிதாக பட்டியலில் சேர்க்கப்பட்டுள்ளனர். பெயர், புகைப்படங்களை சரிபார்த்து வாக்காளர் பட்டியல் வெளியிட்டோம்" என்றார்.