சென்னை புத்தக காட்சியை முன்னிட்டு 100 நூல்கள் வெளியீடு

சென்னையில் நடைபெற்று வரும் 38வது புத்தக காட்சியை முன்னிட்டு நியூ செஞ்சுரி புத்தக நிறுவனத்தின் சார்பில் நூறு புத்தகங்கள் வெளியிடப்பட்டன.

நியூ செஞ்சுரி புத்தக நிறுவனத் தலைவர் ஆர்.நல்ல கண்ணு முன்னிலையில் இந்திய கம்யூனிஸ்ட் கட்சியின் மாநிலச் செயலாளர் தா.பாண்டியன் இந்த புத்தகங்களை வெளியிட்டார். இதனை தமிழர் தேசிய முன்னணி தலைவர் பழ.நெடுமாறன் பெற்றுக் கொண்டார்.

நெடுமாறன் பேசும்போது, "இந்திய சோவியத் நட்புறவு பற்றிய ‘காலத்தை வென்ற காவிய நட்பு' என்ற எனது புத்த கத்தை எழுதி முடிக்க 30 ஆண்டு கள் ஆகின. இதனை என்.சி.பி.எச். வெளியிட்டுள்ளது மகிழ்ச்சியளிக் கிறது," என்றார்.

மக்கள் சிந்தனை பேரவையின் தலைவர் ஸ்டாலின் குணசேகரன் தலைமையில் நடைபெற்ற இந்த விழாவில் பேராசிரியர்கள் ந.முத்து மோகன், வீ.அரசு, கவிஞர் தமிழச்சி தங்கபாண்டியன் உள்ளிட்டோர் பேசினர். நிகழ்ச்சியில் ஏராளமான எழுத்தாளர்கள், கவிஞர்கள் கலந்து கொண்டனர்.