கோவை தனியார் கல்லூரி மாணவர்கள் மோதல்: படுகாயம் அடைந்த மாணவர் மரணம்

கோவையில் உள்ள தனியார் கல்லூரியில் நடந்த மாணவர்கள் மோதலில் படுகாயமம் அடைந்த மாணவர் கார்த்திக் (21) சிகிச்சைப் பலனின்றி புதன்கிழமை உயிரிழந்தார்.

நாமக்கல் மாவட்டம், புதுப்பட்டியை சேர்ந்த பாலுசாமி மகன் கார்த்தி (21). இவர் கோவை பொள்ளாச்சி சாலையில் உள்ள தனியார் தொழில்நுட்பக் கல்லூரியில் 4-ம் ஆண்டு படித்து வந்தார்.

நேற்று முன்தினம் இரவு இவர் இருசக்கர வாகனத்தில் வரும்போது சக மாணவர்கள் கும்பல் ஒன்று சரமாரியாக கட்டை மற்றும் ஆயுதங்களால் தாக்கியதாக கூறப்படுகிறது.

படுகாயமடைந்த மாணவரை கும்பல் அப்படியே விட்டு விட்டு தப்பிச் சென்றுவிட்டது. மற்ற மாணவர்கள், அடிபட்ட மாணவரை உயிருக்கு ஆபத்தான நிலையில் கோவையில் உள்ள தனியார் மருத்துவமனையில் சேர்த்தனர்.

இந்த நிலையில், மாணவர் கார்த்திக் சிகிச்சை பலனின்றி இன்று உயிரிழந்தார். அவர் உயிரிழந்ததைத் தொடர்ந்து, கொலை வழக்காகப் பதிவு செய்து, மதுக்கரை போலீஸ் 8 மாணவர்களிடம் விசாரணை செய்து வருகின்றனர்.

முன்னதாக, மாணவர் மோதல் சம்பவம் தொடர்பாக சரவணன், வெற்றி, தர்மராஜ், அருள்பாண்டி, சத்தியமூர்த்தி, நவீன்குமார், சிவபிரகாஷ், அரவிந்த்குமார் ஆகியோரை மதுக்கரை போலீஸார் கைது செய்தது குறிப்பிடத்தக்கது.