சென்னை - கோவைக்கு சிறப்பு ரயில்கள்

தெற்கு ரயில்வே நேற்று வெளி யிட்ட செய்திக் குறிப்பு விவரம்: பிரீமியம் சிறப்பு விரைவு ரயில் (00609) வருகிற 13, 14 ஆகிய தேதிகளில் சென்னை சென்ட்ரலில் இருந்து இரவு 9.50-க்குப்புறப்பட்டு, மறுநாள் காலை 5.10-க்கு கோவையை அடையும். இதே போல, கோவையில் இருந்து வருகிற 14, 15 ஆகிய தேதிகளில் காலை 9.20-க்கு புறப்படும் சிறப்பு விரைவு ரயில் (06017) மாலை 5.35-க்கு சென்னை சென்ட்ரலை வந்தடையும். இதற்கான முன்பதிவு இன்று (8-ம் தேதி) தொடங்குகிறது.

அதேபோல, சென்னை எழும்பூர்- தஞ்சாவூர்- சென்னை எழும்பூர் உழவன் விரைவு ரயில்களிலும் தற்காலிகமாக 9-ம் தேதி முதல் 17-ம்தேதி வரையிலும் கூடுதலாக 2 பெட்டிகள் இணைக்கப்படவுள்ளன.