கேஎம்சி-யில் முன்னாள் மாணவர்கள் சந்திப்பு

சென்னை கீழ்ப்பாக்கம் அரசு மருத்துவக் கல்லூரியில் முன்னாள் மாணவர்கள் சந்திப்பு நிகழ்ச்சி நடைபெற்றது. கடந்த 1961-ம் முதல் 2014-ம் ஆண்டு வரை இங்கு படித்த 200-க்கும் மேற்பட்டவர்கள் இந்நிகழ்ச்சியில் கலந்து கொண்டனர்.

இந்நிகழ்ச்சி குறித்து டீன் குணசேகரன் கூறியதாவது:

இந்த கல்லூரியில் படித்த முன்னாள் மாணவர்கள், ஒவ்வொரு வரும் தங்களால் முடிந்த அளவு கல்லூரிக்கு உதவிகளை செய்து வருகின்றனர். ஆடிட்டோரியம் புனரமைப்பு, டேபிள் சேர்கள் வாங்கித்தருவது போன்றவைகளை செய்து வரு கின்றார். இந்த சந்திப்பின் போது, ஆடிட்டோரியம் மற்றும் நூலகத்தில் குளிர்சாதன வசதி ஏற்படுத்த உதவி செய்வதாகவும், கம்ப்யூட்டர்களை வாங்கித் தருவதாகவும் தெரிவித்துள்ளனர். அடுத்த ஆண்டு மிகப்பெரிய அளவில் 1,000-க்கும் மேற்பட்ட முன்னாள் மாணவர்களை அழைத்து சந்திப்பு நிகழ்ச்சியை நடத்த இருக்கிறோம்.

இவ்வாறு அவர் கூறினார்.