மகா பெரியவரின் 21-ம் ஆண்டு ஆராதனை விழா: ஆன்மீக நூல்கள் வெளியீடு

காஞ்சிபுரம் சங்கரமடத்தில் மகா பெரியவரின் 21-ம் ஆண்டு ஆராதனை விழா நேற்று நடைபெற்றது.

இதில், சங்கரமடத்தில் உள்ள மகா பெரியவரின் சமாதியில் அமைக்கப்பட்டுள்ள திருவுருவச் சிலைக்கு காலை முதலே சிறப்பு அபிஷேகங்கள் நடைபெற்றது.

மேலும், பஞ்சரத்ன கீர்த்தன மாலை மற்றும் கோஷ்டி கான நிகழ்ச்சிகள் நடைபெற்றன. இதில் மகா பெரியவரின் ஆன்மிக நூல்களான குருப்பிரியா, அம்பிகா உள்ளிட்ட பல்வேறு நூல்களை காஞ்சி சங்கராச்சாரியார்  ஜெயேந்திர சுவாமிகள் வெளியிட்டார். இந்த நூல்களை திருமலை திருப்பதி தேவஸ்தானத்தின் செயல் அலுவலர் சாம்பசிவராவ் பெற்றுக்கொண்டார்.

மேலும், சங்கர மடம் சார்பில் இலவச மருத்துவ முகாமும் நடைபெற்றது. இந்நிகழ்ச்சியில், இளைய சங்கராச்சாரியார் ஸ்ரீ விஜயேந்திர சுவாமிகள், பா.ஜ.க அகில இந்திய பொதுச் செயலாளர் ராம்யாதவ் மற்றும் முக்கிய தலைவர்கள் கலந்துகொண்டனர்.