சென்னையில் திமுக உட்கட்சி தேர்தல் அறிவிப்பு

சென்னை மாவட்டத்தில் மொத்தம் 139 வட்டங்களுக்கான திமுக உட்கட்சித் தேர்தல் வரும் 13-ம் தேதி நடக்கவுள்ளதாக தெரிவிக்கப்பட்டுள்ளது.

திமுக பொதுச் செயலாளர் க.அன்பழகன் வெளியிட்ட அறிக்கையில் கூறியிருப்பதாவது: திமுக 14-வது பொதுத் தேர்தலில் சென்னை வடக்கு, கிழக்கு, மேற்கு, தெற்கு ஆகிய மாவட்டங்களுக்கு உட்பட்ட வட்ட கிளை தேர்தல் நடக்கவுள்ளது. மாநகரத்தின் வட்ட கழக உறுப்பினர்கள் ஒன்று கூடி ஒரு அவைத் தலைவர், ஒரு செயலாளர், துணை செய லாளர்கள் (ஒருவர் பொது தொகுதி, ஒருவர் ஆதிதிராவிடர் (அ) மலைவாழ் வகுப்பினர், ஒருவர் மகளிர்) ஒரு பொருளாளர் மற்றும் மேலைமைப்புக்கு 5 பிரதிநிதிகளையும், 10 செயற்குழு உறுப்பினர்களையும் தேர்ந்தெடுக்க வேண்டும். இந்த இடங்களுக்கான வட்ட கிளை தேர்தல் வரும் 13ம் தேதி நடைபெறும்.

தேர்தல் நடைபெறும் இடம், திமுக பிரதிநிதி விவரம் பின்னர், அறிவிக்கப்படும்.