வெளிநாட்டு வகை மீன்கள், இறால்களுடன் தினகரன் ஆதரவு எம்எல்ஏக்களுக்கு விருந்து

வெளிநாட்டு வகை மீன்கள், இறால்களுடன் புதுச்சேரி ரிசார்ட்டில் தங்கியுள்ள எம்எல்ஏக்களுக்கு விருந்து தயாராகியுள்ளது.

டிடிவி தினகரன் ஆதரவு சட்டமன்ற உறுப்பினர்கள் 18 பேர் பாதுகாப்பு கருதியும், வேறு அணிக்கு மாறிவிடக்கூடாது என்பதற்காகவும் புதுச்சேரி அருகே உள்ள சின்ன வீராம்பட்டினம் கிராமத்தில் உள்ள தனியார் ரிசார்ட்டில் தங்க வைக்கப்பட்டுள்ளனர்.

நேற்று (செவ்வாய்க்கிழமை) மாலை ரிசார்ட்டுக்கு வந்ததவர்கள். இன்று காலை எழுந்து ரிசார்ட் அருகே உள்ள கடற்கரையில் நடைப் பயிற்சி மேற்கொண்டனர். ரிசார்ட்டிலேயே காலை உணவை முடித்த அவர்கள், மதிய உணவிற்காக வெளிநாட்டு வகை மீன்களை வெளியில் இருந்து ரிசார்ட்டிற்கு வரவழைத்துள்ளனர். வியட்நாம் நாட்டிலிருந்து இறக்குமதி செய்யப்பட்ட பாஷா பிஷ் மற்றும் வஞ்சிரம், இறால் வகைகளை வரவழைத்து சட்டப்பேரவை உறுப்பினர்கள் சாப்பிட்டதாக அவரது ஆதரவாளர்கள் தெரிவித்தனர்.