நெல்லையில் இருந்து வளைகுடா நாடுகளுக்கு செல்லும் மண் பாண்டங்கள்: மைக்ரோ வேவன் அடுப்புகளிலும் பயன்படுத்தலாம்

திருநெல்வேலியில் இருந்து பாரம்பரியமான மண் பாண்டங்களை வளைகுடா நாடுகளுக்கு ஏற்றுமதி யாகின்றன. மைக்ரோ வேவன் அடுப்பு களிலும் இவற்றை பயன்படுத்தலாம்.

துபாயிலுள்ள நட்சத்திர ஹோட்ட லின் தலைமை செயல்அதிகாரி ஒருவர் மண் பாண்டங்களை விற்பனை செய்யும் நபர்கள் குறித்து இணைய தளத்தில் தேடும்போது, திருநெல் வேலி குறிச்சியை சேர்ந்த எஸ்.முருகன் என்பவர் அறிமுகமானார்.

தேவை அதிகரிப்பு

பழமையான மண்பாண்டங்களுக் கான மாதிரிகளை அனுப்பி வைக்குமாறு முருகனிடம் அவர் கேட்டுக்கொண்டார். முருகனும் அந்த ஹோட்டல் அதிகாரி கூறிய அம்சங்களுடன் மண் பாண்டங்களை தயாரித்து அனுப்பி வைத்தார். சிறப்பாக இருந்ததால் அவற்றை அந்த ஹோட்டல் நிர்வாகம் ஏற்றுக்கொண்டது. மைக்ரோ வேவன் அடுப்புகளிலும் பயன்படுத்தும் வகையில் அந்த மண் பாண்டங்கள் தயாரிக்கப்பட்டிருந்தன.

இதையடுத்து இந்த மண்பாத்திரங் களை மற்ற ஹோட்டல்களிலும் பயன்படுத்த தொடங்கினர். இதனால் இவற்றின் தேவை அதிகரித்தது. தற்போது திருநெல்வேலி மண் பாண்டங்கள் தூத்துக்குடி துறைமுகத்திலிருந்து சரக்கு கப்பல்களில் வளைகுடா நாடுகளுக்கு கொண்டு செல்லப்படுகின்றன. துபாய், குவைத், ஜோர்தான், கத்தார் நாடுகளுக்கு அவை ஏற்றுமதியாகின்றன.

உணவு வகைகளில் சுவை

இந்த மண் பாண்டங்களில் உணவுப் பண்டங்களை சுடச்சுட வைத்து, வீடுகளுக்கு நேரடி விநியோகம் செய்து அங்குள்ளவர்கள் பணம் சம்பாதிக்கிறார்கள். மண் பாண்டங்களில் இருக்கும் உணவுப் பொருட்களின் மணமும், குணமும், சுவையும் குன்றாமல் இருப்பதுடன் சூடும் குறையாமல் இருப்பதால் வாடிக்கையாளர்கள் ஆர்வம் காட்டுகிறார்கள்.

உணவு வகைகளை உண்டபின் மண் பாத்திரத்தை குப்பைத் தொட்டியில் போட்டுவிடலாம். அவை இயற்கைக்கு கெடுதல் இல்லாத கழிவு பொருளாகிவிடுகிறது என்பதால், மண் பாத்திரங்களின் தேவை வளைகுடா நாடுகளில் அதிகரித்திருப்பதாக முருகன் தெரிவித்தார்.

8-ம் வகுப்பு வரையில் படித்திருக்கும் முருகன், தனது கைவண்ணத்தில் உருவாக்கிய உபகரணங்கள் மூலமே பல்வேறு வகையான மண் பாண்டங்களை உருவாக்கி வருகிறார்.

ரூ. 30 கோடி ஏற்றுமதி

தமிழகத்தின் பல்வேறு மாவட்டங்களில் இருந்து ஆண்டுக்கு ரூ.30 கோடி மதிப்பிலான மண் பாண்டங்கள் பல்வேறு நாடுகளுக்கு தூத்துக்குடி துறைமுகம் மூலம் கொண்டு செல்லப்படுவதாக துறைமுக வட்டாரங்கள் தெரிவிக்கின்றன. எளிதில் உடையும் தன்மையுள்ள இந்த மண்பாத்திரங்கள் பத்திரமாக பேக்கிங் செய்யப்பட்டு, மாதத்துக்கு 2 அல்லது 3 கன்டெய்னர்களில் வெளிநாடுகளுக்கு ஏற்றுமதியாகின்றன.