கஜா புயல் தாக்கம்!- எந்தெந்த மாவட்டங்களில் பள்ளி, கல்லூரிகளுக்கு விடுமுறை

கஜா புயல் காரணமாக 18 மாவட்டங்களில் பள்ளி, கல்லூரிகளுக்கு விடுமுறை அறிவிக்கப்பட்டுள்ளது.

வங்கக் கடலில் மையம் கொண்டிருந்த கஜா புயல் நாகை வேதாரண்யம் அருகே அதிராமபட்டினத்தில் நேற்றிரவு கரையைக் கடந்தது. புயலில் முழுமையான தாக்கம் குறைய இன்னும் சில மணி நேரம் ஆகும் என சென்னை வானிலை ஆய்வு மையம் அறிவித்துள்ள நிலையில் பல்வேறு மாவட்டங்களில் விடுமுறை அறிவிக்கப்பட்டுள்ளது.

பள்ளிகளுக்கு மட்டும் விடுமுறை:
விருதுநகர், தூத்துக்குடி, கரூர், கோவை மாவட்டங்களில் பள்ளிகளுக்கு மட்டும் விடுமுறை அறிவித்து அந்தந்த மாவட்ட ஆட்சியர்கள் உத்தரவிட்டுள்ளனர்.

பள்ளி, கல்லூரிகளுக்கு விடுமுறை:
நாகை, திருவாரூர், தஞ்சாவூர், ராமநாதபுரம், சிவகங்கை, புதுக்கோட்டை, கடலூர், திருவாரூர், திருப்பூர், திருச்சி, மதுரை, அரியலூர், தேனி, விழுப்புரம், திருவண்ணாமலை, சேலம், பெரம்பலூர், அரியலூர் என 18 மாவட்டங்களில் பள்ளி, கல்லூரிகளுக்கு விடுமுறை அறிவிக்கப்பட்டுள்ளது.