மார்க்சிஸ்ட் தேசிய பொது செயலாளராக தேர்வு - யார் இந்த எம்.ஏ.பேபி?

மதுரை: மதுரையில் நடந்த மார்க்சிஸ்ட் கம்யூனிஸ்ட் கட்சி மாநாட்டில், தேசிய பொதுச் செயலாளராக எம்.ஏ. பேபி தேர்வு செய்யப்பட்டார். இந்த மாநாட்டில், வக்பு வாரிய சட்​டத் திருத்​தம் மூலம் நாட்​டில் பிளவு​வாத அரசி​யலை கட்​டமைக்​கின்​றனர் என்று கேரள மாநில முதல்​வர் பின​ராயி விஜயன் குற்றம்சாட்டினார்.

மதுரை​யில் மார்க்​சிஸ்ட் கம்​யூனிஸ்ட் கட்​சி​யின் அகில இந்​திய மாநாட்​டுப் பொதுக் கூட்​டம், மாநிலச் செய​லா​ளர் சண்​முகம் தலை​மை​யில் நடை​பெற்​றது. வரவேற்​புக் குழுச் செய​லா​ளர் சு.வெங்​கடேசன் எம்​.பி. வரவேற்​றார். மூத்த தலைவர்கள் பிர​காஷ் காரத், பிருந்தா காரத், கே. பால​கிருஷ்ணன், வாசுகி ஆகியோர் பேசினர்.

இந்​தக் கூட்​டத்​தில் கேரள முதல்​வர் பின​ராயி விஜயன் பேசி​ய​தாவது: திமுக அரசு கேரளாவோடு நெருக்​க​மான அரசாக உள்​ளது. மத்​திய பாஜக அரசு மாநிலங்​களின் அதி​காரங்​களைப் பறிக்​காமல் கூட்​டாட்​சியை நடத்த வேண்​டும் என்று தொடர்ந்து வலி​யுறுத்தி வரு​கிறோம். இந்த மாநாட்​டில் மதச் சார்​பின்​மை​யை, ஜனநாயகத்​தைப் பாது​காக்​கும்​நோக்​கில் திட்​டம் வகுக்​கப்​பட்​டுள்​ளது. மாற்று அரசி​ய​லாக விஞ்​ஞான சோஷலிசம் வளர்ந்து வரு​கிறது. மத்​திய பாஜக அரசு மக்​களைப் பிளவுபடுத்​தும் அரசாக உள்​ளது. வகுப்​பு​வாதத்​துக்கு எதி​ரான சக்​தி​கள் ஒன்​றிணைந்​து, மக்​களைப் பாது​காக்​கும் முயற்​சி​யில் ஈடு​பட்டு வரு​கிறோம்.

வக்பு வாரிய சட்​டத் திருத்​தம் மூலம் நாட்​டில் பிளவு​வாத அரசி​யலைக் கட்​டமைக்​கின்​றனர். கேரளா​வில் இரு சமூகத்​தினரிடையே பிரி​வினையை உண்​டாக்கி வெறுப்பு அரசி​யலை ஏற்​படுத்​துகின்​றனர். கேரளா​வில் இடது முன்​னணி அரசை​யும், தமிழகத்​தில் திமுக அரசை​யும் பழி​வாங்​கு​கிறார்​கள். ‘ஒரே நாடு ஒரே தேர்​தல்’ என திசை திருப்​பும் முழக்​கத்தை எழுப்​பி​யுள்​ளனர். மத்​திய பாஜக அரசுக்கு எதி​ராக மக்​களை ஒன்​று​படுத்த வேண்​டும்.

ரூ.15 லட்சம் கோடி கடன்... மத்​திய அரசு கார்ப்​பரேட் நிறு​வனங்​களுக்கு ரூ.15 லட்​சம் கோடி கடனை தள்​ளு​படி செய்​துள்​ளது. இதனால் சாதாரண மக்​கள் வாழ​முடி​யாத சூழல் உள்​ளது. கேரளா​வும், தமிழக​மும் ஒரு​மித்த தன்மை கொண்​ட​வை​யாக உள்​ளன. இரு மாநில மக்​களும் ஒரே தன்​மை​யில் நெருக்​க​மாக இருக்​கிறார்​கள்.

இவ்​வாறு அவர் பேசி​னார். மார்க்​சிஸ்ட் கம்​யூனிஸ்ட் கட்சி மாநிலப் பொருளாளர் மதுக்​கூர் ராமலிங்​கம் நன்றி கூறி​னார். முன்​ன​தாக மதுரை பாண்டி கோயில் அரு​கில் இருந்து ஆயிரக்​கணக்​கானோர் பங்​கேற்ற செந்​தொண்​டர் அணிவகுப்பு நடை​பெற்​றது.

தலைவர்கள் வாழ்த்து: இந்த மாநாட்டில் கட்​சி​யின் அகில இந்​தி​யப் பொதுச் செய​லா​ள​ராக கேரள மாநிலத்​தைச் சேர்ந்த எம்​.ஏ. பேபி (71) தேர்ந்தெடுக்​கப்​பட்​டார். கேரள மாநிலம் கொல்​லத்​தில் உள்ள பிரக்​குளத்​தைச் சேர்ந்த பேபி, மாணவப் பரு​வத்​திலேயே இந்​திய மாணவர் சங்​கம், இந்​திய ஜனநாயக வாலிபர் சங்​கத்​தில் பணி​யாற்​றிய​வர்.

1986 முதல் 1998 வரை மாநிலங்​களவை உறுப்​பின​ராக இருந்​துள்​ளார். 2006 முதல் 2011 வரை கேரள அமைச்​சர​வை​யில் கல்வி, கலாச்​சா​ரத் துறை அமைச்​ச​ராக பொறுப்பு வகித்​துள்​ளார்​. இவருக்கு தமிழக முதல்வர் மு.க.ஸ்டாலின், தமிழக காங்கிரஸ் தலைவர் செல்வப்பெருந்தகை, விசிக பொதுச் செயலாளர் துரை.ரவிக்குமார் உள்ளிட்டோர் வாழ்த்து தெரிவித்துள்ளனர்.

மேலும், கேரள முதல்​வர் பின​ராயி விஜயன், தமிழகத்​தைச் சேர்ந்த கே.​பால​கிருஷ்ணன், உ. வாசுகி உட்பட 18 பேர் அரசி​யல் தலை​மைக் குழு உறுப்​பினர்​களாக தேர்ந்​தெடுக்​கப்​பட்​டனர். தமிழகத்​தைச் சேர்ந்த பால​பார​தி, குணசேகரன் உட்பட 85 பேர் மத்​தி​யக் குழு உறுப்​பினர்​களாகத் தேர்ந்​தெடுக்​கப்​பட்​டனர்.