எஸ்.ஆர்.எம். தமிழ்ப் பேராயம் நடத்தும் ‘சொல் தமிழா! சொல்!’ மாபெரும் பேச்சுப் போட்டி: சென்னையில் ஏப். 6, 7-ல் இறுதிப் போட்டி

சென்னை: எஸ்​.ஆர்​.எம். தமிழ்ப்​ பே​ரா​யம் சார்​பில் ‘சொல் தமிழா! சொல்! 2025’ எனும் மாநில அளவில் கல்​லூரி மாணவர்​களுக்​கான மாபெரும் பேச்​சுப் போட்​டி​யின் இறு​திப் போட்டி மற்​றும் பரிசளிப்பு விழா சென்​னை​யில் வரும் 6, 7-ம் தேதி​களில் நடை​பெறுகிறது. இந்த விழா காட்​டாங்​குளத்​தூர் எஸ்​.ஆர்​.எம். பல்​கலைக்​கழகவளாகத்​தில் உள்ள முனை​வர் தி.பொ.கணேசன் கலை​யரங்​கில் காலை 10 மணிக்கு நடை​பெறுகிறது.

தமிழகம் முழு​வதும் உள்ள கல்​லூரி மற்​றும் பல்​கலைக்​கழகங்​களில் பேச்​சுத் திறன்​மிக்க மாணவர்​களை அடை​யாளம் கண்​டு, அவர்​களை ஊக்​குவிக்​கும் உயரிய நோக்​குடன் அனைத்து மாவட்​டங்​களும் 9 மண்​டலங்​களாகப் பிரிக்​கப்​பட்டு, பேச்​சுப் போட்​டிகள் நடை​பெற்​றன. சென்​னை, வேலூர், கடலூர், திருச்​சி, தஞ்​சாவூர், மதுரை, நெல்​லை, கோவை, சேலம் ஆகிய 9 மண்டல அளவி​லான போட்​டிகள் நடை​பெற்று முடிந்த நிலை​யில், மாநில அளவி​லான இறு​திப்போட்​டிக்​கான இரண்டு சுற்றுகள் நாளையும் (ஏப். 6), இறு​திச்​சுற்று மற்றும் பரிசளிப்பு விழா 7-ம் தேதி​யும் நடை​பெறவுள்​ளது.

எஸ்​.ஆர்​.எம். பல்​கலைக்​கழக வேந்​தர் டாக்​டர் தா.இ​ரா.​பாரிவேந்​தர் தலை​மை​யில் நடைபெற உள்ள பரிசளிப்பு விழா​வில், SRMIST வளாக நிர்​வாகி இரா.அருணாச்​சலம் வரவேற்​புரை​யாற்​றுகிறார். தமிழ்ப் பேரா​யத்​தின் தலை வர் முனை​வர் கரு.​நாக​ராசன் அறி​முக உரை​யாற்​றுகிறார்​.பேராசிரியரும், பட்​டிமன்​றப் பேச்சாள​ரு​மான கு.​ஞானசம்​பந்​தன் வாழ்த்​துரை வழங்​கு​கிறார்.

பரிசளிப்பு விழா​வில் சிறப்பு விருந்​தினர்​களாக தமிழக பாஜக தலை​வர் அண்​ணா​மலை, நாம் தமிழர் கட்​சி​யின் தலைமை ஒருங்​கிணைப்​பாளர் சீமான் ஆகியோர் கலந்​து​கொண்டு உரை​யாற்ற உள்​ளனர்.

முதல் பரிசு ரூ.5 லட்சம்: மாநில அளவில் வெற்றி பெறு​பவருக்கு முதல் பரி​சாக ரூ.5 லட்​சம், 2-ம் பரி​சாக ரூ.3 லட்​சம், 3-ம் பரி​சாக ரூ.2 லட்​சம் வழங்​கப்​படு​கிறது. மொத்​தம் ரூ.40 லட்​சம் பரிசுத் தொகை​யாக வழங்​கப்பட உள்​ளது குறிப்​பிடத்​தக்​கது. இந்​தப் போட்​டி​யின் பிரின்ட் மீடியா பார்ட்​ன​ராக ‘இந்து தமிழ் திசை’ நாளிதழ், மீடியா பார்ட்​ன​ராக புதிய தலை​முறை, வேந்​தர், புது​யுகம் தொலைக்​காட்​சிகள் இணைந்​துள்​ளன.