‘கூட்டத்துக்கு வந்தால் குலுக்கலில் பரிசு!’ - ஊத்துக்குளி அதிமுகவின் அடேங்கப்பா பிளான்

ஓட்டுக்கு பணம் கொடுத்த காலம் போய் இப்போது பொதுக்கூட்டத்துக்கு கூட்டம் சேர்க்கவே குலுக்கலில் பரிசு திட்டத்தை அறிவித்து புதிய அத்தியாயத்தை தொடங்கி இருக்கிறார்கள் அதிமுக-காரர்கள். ​மாநிலம் முழு​வதும் ஜெயலலி​தா​வின் 77-வது பிறந்த நாளை விழா​வாக கொண்​டாடி வரு​கிறார்​கள் அதி​முக-​காரர்​கள். அந்த வகை​யில், திருப்​பூர் மாவட்​டம் ஊத்​துக்​குளி​யிலும் இன்று (மார்ச் 5) ஜெயலலிதா பிறந்த நாள் பொதுக்​கூட்​டத்​துக்கு ஏற்​பாடு செய்​திருக்​கிறார்​கள்.

திருப்​பூர் மாநகர் மாவட்​டச் செய​லா​ளர் பொள்​ளாச்சி வி.ஜெய​ராமன், ஈரோடு புறநகர் கிழக்கு மாவட்​டச் செய​லா​ளர் கே.சி.கருப்​பணன், அதி​முக அமைப்​புச் செய​லா​ளர் சி.​தாமோதரன், பெருந்​துறை எம்​எல்​ஏ-​வான ஜெயக்​கு​மார் உள்​ளிட்​ட​வர்​கள் பங்​கேற்​கும் இந்​தக் கூட்​டத்​துக்கு ஆள் திரட்​டத்​தான் ‘பரிசுக் குலுக்​கல்’ என்ற வித்​தி​யாச​மான ஐடி​யா​வைக் கையாண்​டிருக்​கிறார்​கள்.

பொதுக்​கூட்​டத்தை ஏற்​பாடு செய்​திருப்​பவர்​கள், கூட்​டத்​தில் பங்​கேற்​பவர்​களுக்கு குலுக்​கல் முறை​யில் பரிசுமழையை விளம்​பரப்​படுத்தி இருக்​கிறார்​கள். குலுக்​கலில் 3 நபர்​களுக்கு தங்க நாண​யம், 300 நபர்​களுக்கு வீட்டு உபயோக பொருட்​களான மிக்சி, குக்​கர், கிரைண்​டர், பீரோ, ஃபேன், சில்​வர் பாத்​திரங்​கள் தரப்​படும் என பட்​டியல் போட்டு பட்​டையைக் கிளப்பி இருக்​கிறார்​கள். இதில்​லாமல், கூட்​டத்​தில் பங்​கேற்​கும் அனை​வருக்​கும் சிறப்​புப் பரிசும் தரப்​படும் என துண்​டறிக்கை அடித்து பிரகடனம் செய்​திருக்​கிறார்​கள்.

இதுகுறித்து கூட்​டத்தை ஏற்​பாடு செய்த​ ஊத்​துக்​குளி ஒன்​றிய அதி​முக செய​லா​ளர் க.சக்​திவேலிடம் பேசினோம். “அம்​மா​வின் பிறந்த நாளை கட்​சி​யினர் சற்று வித்​தி​யாச​மாக​வும், ஜாலி​யாக​வும் (!) கொண்​டாட முடிவு செய்​தோம். அதற்​காக, அம்மா பிறந்த நாள் பொதுக்​கூட்​டத்​தில் கட்​சி​யினருக்கு நல உதவி​கள் வழங்​கும் வகை​யில் நானும், பெருந்​துறை எம்​எல்​ஏ-​வான ஜெயக்​கு​மாரும் பிளான் போட்​டோம். அதற்​காக ரூ. 4 லட்​சம் மதிப்​பிலான பொருட்​களை பொதுக்​கூட்​டத்​துக்கு வருபவர்​களுக்கு குலுக்​கல் முறை​யில் வழங்​கிட திட்​ட​மிட்​டிருக்​கிறோம் தங்​கம் விலை கிடு​கிடு​வென உயர்ந்து கொண்டே போகிறது.

அதனால், குலுக்​கலில் 3 பேருக்கு மட்​டும் தங்க நாண​யத்தை வழங்​கிட முடி​வெடுத்​தோம். இதில்​லாமல், கூட்​டத்​துக்கு வரும் கட்​சி​யினர் சுமார் 800 பேருக்கு அம்​மா​வின் பிறந்த நாள் பரி​சாக ஆளுக்​கொரு பொருளை வழங்க முடி​வெடுத்​திருக்​கிறோம். அதற்​காக, அதி​முக பலவீன​மாகி விட்​டது. அதனால் கூட்​டம் சேர்க்க இப்​படி​யெல்​லாம் பிளான் போடு​வ​தாக நினைத்​து​விட வேண்​டாம். இந்​தப் பகு​தி​யில் அதி​முக எப்​போதும் போல் வலு​வாகவே இருக்​கிறது.

2026-ல் அதி​முக மீண்​டும் ஆட்​சி​யைப் பிடிக்​கும். அதேசம​யம் அம்மா பிறந்த நாளை​யொட்டி நடை​பெறும் பொதுக்​கூட்​டத்​தில் கட்​சி​யினரை உற்​சாகப்​படுத்​தும் வகை​யிலும் அவர்​கள் ஜாலி​யாக​வும், சந்​தோஷ​மா

க​வும் இருக்க வேண்​டும் என்ற நோக்​கத்​தி​லும் தான் பரிசு மழையை அறி​வித்​திருக்​கிறோம்” என்று பெரு​மையுடன் சொன்​னார். பொதுக்​கூட்​டங்​கள் போடு​வதே அரி​தாகி வரும் நிலை​யில், பொதுக்​கூட்​டத்​துக்கு கூட்​டம் சேர்க்க இப்​படியொரு ஃபார்​முலாவை அறி​முகப்​படுத்தி இருக்​கிறார்​கள். இனி ஊருக்கு ஊர் பரிசுக் குலுக்​கல் நடக்​கும் என எதிர்​பார்​க்​கலாம்​!