3000 வேலைவாய்ப்புகளுடன் எல்காட் நிறுவனத்தின் ஐடி டவர் சோழிங்கநல்லூரில் விரைவில் திறப்பு: அமைச்சர் பிடிஆர்

சென்னை: சென்னை​யில் 3 ஆயிரம் வேலை​வாய்ப்பு​களுடன் எல்காட் நிறு​வனத்​தின் சோழிங்​கநல்​லூர் ஐடி டவர் விரை​வில் திறக்​கப்​படும் என தொழில்​நுட்பத் துறை அமைச்சர் பழனிவேல் தியாக​ராஜன் தெரி​வித்​துள்ளார். தமிழக அரசின் பொதுத்​துறை நிறு​வனமான தமிழ்​நாடு மின்னணு நிறு​வனம் (எல்​காட்), தகவல் தொழில்​நுட்பத் துறை​யின் வளர்ச்​சியை ஊக்கு​விப்​ப​தி​லும், மேம்​படுத்து​வ​தி​லும் முக்கியப் பங்கு வகித்து வருகிறது.

இதுதொடர்பாக தொழில்​நுட்பத் துறைஅமைச்சர் பழனிவேல் தியாக​ராஜன் வெளி​யிட்ட செய்திக்​குறிப்​பில் கூறி​யிருப்​ப​தாவது: தமிழகத்தை தகவல் தொழில்​நுட்​பத்​தின் முதலீட்டு இலக்காக நிலைநிறுத்​தும் வகையில் எல்காட் அமைப்​பின் ஒரு பகுதியாக ‘எல்​கோசெஸ்’ ஐடி டவர் எனப்​படும் எல்காட் சிறப்பு பொருளாதார மண்டலங்கள் உருவாக்​கப்​பட்டன.

அதன்படி தமிழகத்​தில் சென்னை, கோவை, திருச்சி, மதுரை (2), திருநெல்வேலி, சேலம், ஓசூர் ஆகிய 8 முக்கிய இடங்​களில் எல்காட் நிறு​வனத்​தின் மூலம் எல்கோசெஸ் ஐடி டவர்கள் அமைக்​கப்​பட்டு செயல்​பாட்​டில் இருந்து வருகின்றன.

இதுவரை 1.13 லட்சம் வேலைவாய்ப்பு: அந்தவகை​யில் இதுவரை எல்கோசெஸ் ஐடி டவர்​களில் 90 நிறு​வனங்​களுக்கு இடம் வழங்​கப்​பட்டு, அந்த நிறு​வனங்கள் மூலம் 1.13 லட்சம் பேருக்கு வேலை​வாய்ப்புகள் உருவாக்​கப்​பட்​டுள்ளன. குறிப்பாக கோவை ஐடி டவரில் 3,500 வேலை​வாய்ப்புகள் உருவாக்​கப்​பட்​டிருக்​கின்றன. மேலும் அடுத்​தகட்​டமாக கோவை​யில் அதிகரித்து வரும் தகவல் தொழில்​நுட்ப இடத்​தேவையை பூர்த்தி செய்​யும் வகையில் எல்கோசெஸ், கோவை ஐடி டவர் 17.17 ஏக்கர் பரப்​பள​வில் விரிவுபடுத்​தப்பட உள்ளது.

அதேபோல் சென்னை சோழிங்​கநல்​லூரில் அதிநவீன உட்கட்​டமைப்பு வசதிகளை கொண்டு, 2.33 லட்சம் சதுரஅடி பரப்​பள​வில் சோழிங்​கநல்​லூர் ஐடி டவர் கட்டி​முடிக்​கப்​பட்​டுள்​ளது. இதன்​மூலம் 3 ஆயிரம் வேலை ​வாய்ப்புகள் உருவாகும். இதன் திறப்பு விழா விரை​வில் நடைபெறும். மேலும் தொடக்க நிலை​யில் உள்ள கோவை தமிழ்​நாடு டெக் சிட்டி மற்றும் ஓசூர் ஒருங்​கிணைந்த டெக் சிட்டி ​திட்​டங்​களும் ​விரை​வில் செயல்​படுத்​தப்​படும். இவ்​வாறு அ​தில் தெரி​வித்​துள்​ளார்​.