நெரிசலை அதிகரிக்க போக்குவரத்து மாற்றம் - இது சென்னை அண்ணாசாலை ‘சம்பவம்’

​போக்கு​வரத்து நெரிசலை தீர்ப்​ப​தற்காக செய்​யப்​பட்ட போக்கு​வரத்து மாற்​றம், போக்கு​வரத்து நெரிசலை அதிகரித்​துள்ளதாக வாகன ஓட்டிகள் புகார் தெரி​வித்​துள்ளனர்.

அண்ணாசாலை​யில் இருந்து சேப்​பாக்​கம், திரு​வல்​லிக்​கேணி செல்​லும் வாகனங்கள் அண்ணாசிலை சந்திப்​பில் இருந்து வாலாஜா சாலை வழியாக திரும்பி செல்​லும். சேப்​பாக்​கத்​தில் உள்ள அரசு அலுவல​கங்​களுக்கு செல்​லும் ஊழியர்​கள், திருவல்லிக்கேணி​யில் உள்ள கடைகளுக்கு பொருட்களை வாங்க செல்​லும் பொது​மக்​கள், திரு​வல்​லிக்​கேணி பார்த்​தசாரதி கோயிலுக்குச் செல்​லும் பக்தர்​கள், திரு​வல்​லிக்​கேணி​யில் உள்ள கஸ்தூரிபா தாய்​சேய் நல மருத்​துவ​மனைக்​குச் செல்​லும் நோயாளி​கள், மெரினா கடற்​கரைக்கு செல்​லும் சுற்றுலா பயணிகள் உள்ளிட்ட பலர் இந்த வாலாஜா சாலை​யைப் பயன்​படுத்தி வருகின்​றனர்.

இதனால், இந்த சாலை எப்போதும் போக்கு​வரத்து நெரிசலுடன் காணப்​படும். குறிப்​பாக, அண்ணாசாலை, அண்ணாசிலை சந்திப்​பில் சிக்​னலில் வாகனங்கள் நீண்ட நேரம் நிற்க வேண்டி இருந்​த​தால், அங்கு கடும் போக்கு​வரத்து நெரிசல் ஏற்பட்​டது. இதையடுத்து, அண்ணாசிலை சந்திப்​பில் போக்கு​வரத்து நெரிசலுக்​குத் தீர்வுகாணும் வகையில், 10 மாதத்​துக்கு முன்பு போக்கு​வரத்து மாற்றி அமைக்​கப்​பட்​டது.

அதன்​படி, வாலாஜா சாலை​யில் இருந்து சிம்சன் வழியாக பாரி​முனை மற்றும் சென்ட்ரல் செல்​லும் வாகனங்கள் அண்ணாசிலை சந்திப்​பில் இருந்து வலது புறம் திரும்​பவதற்​குப் பதிலாக, இடது புறம் திரும்பி சற்று தொலைவு சென்று மீண்​டும் வலதுபுறம் யு-டர்ன் முறை​யில் திரும்பி செல்​லும் வகையில் மாற்றி அமைக்​கப்​பட்​டது. ஆனால்,இந்த மாற்​றத்​தால் எவ்வித பயனும் ஏற்பட​வில்லை. மாறாக, போக்கு​வரத்து நெரிசலை அதிகரித்​துள்ளதாக வாகன ஓட்டிகள் புகார் தெரி​வித்​துள்ளனர்.

இதுகுறித்து, அவர்கள் தெரி​வித்​த​தாவது: அண்ணாசிலை சந்திப்பில் ஏற்படும் போக்கு​வரத்து நெரிசலை குறைக்க போக்கு​வரத்து காவல்​துறை அதிகாரிகள் சம்பவ இடத்​துக்கு வந்து விஞ்​ஞானப்பூர்​வமாக ஆய்வு செய்து தீர்வு காணா​மல், அவர்​களுக்கு மனதில் தோன்​றியதை செயல்​படுத்​தும் விதமாக இந்தப் போக்கு​வரத்து மாற்​றத்தை செய்​துள்ளனர்.

இதனால், போக்கு​வரத்து நெரிசல் அதிகரித்​துள்ளது. அத்துடன், யு-டர்ன் எடுத்து திரும்​பும் போது, எதிர்​புறத்​தில் உள்ள பிளாக்​கர்ஸ் சாலை​யில் வாகனங்கள் வருவ​தால் பேருந்து உள்ளிட்ட பெரிய வாகனங்கள் எளிதாக திரும்ப முடி​யாமல் கடும் அவதிப்​படு​கின்றன. மேலும், அந்த இடத்​தில் சாலை​யைக் கடக்​கும் பொது​மக்​களும் அவதிப்​படு​கின்​றனர்.

எனவே, பழைய படி வாலாஜா சாலை​யில் இருந்து பாரி​முனை, சென்ட்ரல் ரயில் நிலையம் செல்​லும் வாகனங்கள் அனைத்​தை​யும் அண்ணாசிலை சந்திப்​பில் இருந்து வலதுபுறம் திரும்பி செல்​லும் வகையில் போக்கு​வரத்தை மாற்றி அமைக்க வேண்​டும். அதேபோல், எல்ஐசி​யில் இருந்து பாரிமுனை நோக்​கிச் செல்​லும் வாகனங்​கள் பழையபடி அண்​ணசாலை தலைமை அஞ்​சல் நிலை​யம் வழியாக செல்​லும்படி ​மாற்றி அமைக்க வேண்​டும். இவ்​வாறு அவர்​கள் தெரி​வித்​தனர்​.