’இந்து இயர்புக்’ பற்றிய சிறப்பு நிகழ்ச்சி: புதுயுகம் தொலைக்காட்சியில் இன்று ஒளிபரப்பு

சென்னை: ‘இந்து தமிழ் திசை’ பதிப்​பகம் வெளி​யிட்ட ‘இயர்​புக் 2025’ புத்​தகம் பற்றிய சிறப்பு பார்வை நிகழ்ச்சி புது​யுகம் தொலைக்​காட்​சி​யில் இன்று (ஜன. 8) காலை ஒளிபரப்​பாகிறது.

சென்னை புத்​தகக் காட்​சியை முன்னிட்டு சிறந்த புத்​தகங்களை அறிமுகம் செய்​யும் நிகழ்ச்சி புது​யுகம் தொலைக்​காட்​சி​யில் ஒளிபரப்​பாகி வருகிறது. திங்​கள்​கிழமை முதல் வெள்​ளிக்​கிழமை வரை தினமும் காலை 8.45 மணிக்கு எழுத்​தாளர் பாஸ்​கரன் கிருஷ்ண​மூர்த்தி, சிறந்த புத்​தகங்களை அறிமுகம் செய்து பேசிவரு​கிறார். அந்த வகையில், இன்று இந்து தமிழ் திசை பதிப்​பகம் வெளி​யிட்ட ‘இயர்​புக் 2025’ புத்​தகத்தை அறிமுகம் செய்து அவர் பேசுகிறார். இந்த இயர்​புக்​கில் 25-க்​கும் மேற்​பட்ட துறைசார் நிபுணர்​களின் சிறப்​புக் கட்டுரைகள் இடம்​பெற்றுள்ளன.

கடந்த ஆண்டில் கவனம்​பெற்ற 40 விஷயங்​களுக்கான விரிவான விளக்​கங்கள் ‘ஏன்? எதற்கு? எப்படி?’ பகுதி​யில் தொகுத்​து தரப்​பட்​டுள்ளன. இது, யுபிஎஸ்சி, டிஎன்​பிஎஸ்சி உள்ளிட்ட போட்​டித்தேர்​வு​களுக்​கு தயாராகிறவர்​களுக்​குப் பெரிதும் கைகொடுக்​கும் நூலாகும். தடம்ப​தித்த 50 ஆளுமைகள் குறித்த அறிமுகச் சித்திரங்​களும் இதில் இடம்​பெற்றுள்ளன. போட்​டித் தேர்​வு தயாரிப்​புக்கு உதவும் அறிவியல் கேள்​வி-ப​தில் தொகுப்பு, தமிழின் முக்கிய நூல்​களும் ஆசிரியர்​களும், ரயில்வே தேர்​வு​களில் வெற்றிக்கான வழி ஆகிய கட்டுரைகள் அனைவருக்​கும் உதவும்.

மொத்தம் 800 பக்கங்கள் கொண்ட இந்த நூலின் விலை ரூ.275. இந்த நூல் சென்னை புத்​தகக் காட்​சி​யில் 55, 56, 668 மற்றும் 669 ஆகிய அரங்​கு​களில் கிடைக்​கும். இந்நூலை ஆன்லைன் மூலம் பெற store.hindutamil.in/publications என்ற பக்கத்​தில் சென்று பார்க்​கலாம். கூடுதல் விவரங்​களுக்கு 7401296562 அல்லது 7401329402 ஆகிய செல்​போன் எண்​களில் தொடர்பு ​கொள்​ளலாம். அல்லது இணைப்​பில் உள்ள க்​யூஆர் கோடை ஸ்​கேன் செய்​தும் அறிந்து ​கொள்ளலாம்.