பால் உற்பத்தியாளர்களுக்கான ஊக்கத்தொகை வங்கி கணக்கில் செலுத்தப்படும்: அமைச்சர் ராஜகண்​ணப்பன் அறிவிப்பு

சென்னை: பால் லிட்டருக்கு ரூ.3 ஊக்கத்​தொகை உற்பத்​தி​யாளர்​களின் வங்கி கணக்​குக்கு நேரடியாக செலுத்து​வதற்கு நடவடிக்கை எடுக்கப்பட்டுள்​ளது.

இதுகுறித்து பால் வளத்​துறை மற்றும் கதர்த்​துறை அமைச்சர் ஆர்.எஸ்​.ராஜகண்​ணப்பன் வெளியிட்ட அறிக்கை​: தமிழகம் முழு​வதும் கடந்த 2019-20-ம் ஆண்டில் சுமார் 23 லட்சம் லிட்​டராக ஆவின் பால் விற்பனை இருந்​தது. தமிழக அரசு எடுத்த பல்வேறு நடவடிக்கை​யின் காரண​மாக, 2024-25-ல் சுமார் 7 லட்சம் லிட்​டருக்கு மேல் அதிகரித்து தற்போது தினசரி 30 லட்சம் லிட்டர் பால் விற்கப்​படு​கிறது.

கடந்த 2023-ம் ஆண்டு டிச.18-ம் தேதி முதல் ஆவின் கூட்டுறவு சங்கத்​துக்கு பால் வழங்​கும் பால் உற்பத்​தி​யாளர்​களுக்கு லிட்டர் ஒன்றுக்கு ரூ.3 உற்பத்தி ஊக்கத்​தொகையாக பிரதம சங்கங்​களின் மூலம் நிலுவை​யின்றி உறுப்​பினர்​களுக்கு வழங்கப்​படு​கிறது.

இந்நிலை​யில், பால் உற்பத்​தி​யாளர்கள் மற்றும் நலச்​சங்​கத்தின் கோரிக்கை​யின்​படி, மாவட்ட ஒன்றி​யத்​தில் இருந்து பால் உற்பத்​தி​யாளர்​களின் வங்கி கணக்​குக்கு நேரடியாக அரசு அறிவித்த ரூ.3 ஊக்கத்​தொகை வழங்​கு​வதற்கு நடவடிக்கை எடுக்​கப்​படு​கிறது. முதல்​கட்​ட​மாக, நாமக்கல் மாவட்ட கூட்டுறவு பால் உற்பத்​தி​யாளர்கள் ஒன்றி​யத்​தின் மூலமாக, இந்த வாரத்தில் செயல்​படுத்​தப்பட உள்ளது. இதைத்​தொடர்ந்து, பிற மாவட்டங்​களி​லும் மேற்​கண்ட நடைமுறை அமல்​படுத்​தப்​படும். இவ்வாறு அவர் தெரி​வித்​துள்ளார்.

தமிழ்​நாடு பால் உற்பத்​தி​யாளர்கள் சங்க தலைவர் முகமது அலி கூறும்​போது, “வங்கி கணக்குக்கு நேரடியாக செலுத்​தும் முறையை வரவேற்கிறோம். இதன்​மூலம், தவறுகள் குறை​யும்​” என்​றார்​.