‘ராஜாஜி: ஒரு தேசிய சகாப்தம்’ புத்தகம் குறித்து புதுயுகம் சேனலில் சிறப்பு நிகழ்ச்சி: இன்று காலை ஒளிபரப்பாகிறது

சென்னை: ‘இந்து தமிழ் திசை’ பதிப்​பகம் வெளி​யிட்ட ‘ராஜாஜி: ஒரு தேசிய சகாப்​தம்’ புத்​தகம் குறித்த சிறப்பு பார்வை நிகழ்ச்சி புது​யுகம் தொலைக்​காட்​சி​யில் இன்று (ஜன. 1) காலை ஒளிபரப்​பாகிறது.

சென்னை​யில் தற்போது நடைபெற்று வரும் புத்​தகக் காட்​சியை முன்னிட்டு சிறந்த புத்​தகங்களை அறிமுகம் செய்​யும் நிகழ்ச்சி புது​யுகம் தொலைக்​காட்​சி​யில் ஒளிபரப்​பாகி வருகிறது. திங்கள் முதல் வெள்ளி வரை தினமும் காலை​யில் ஒளிபரப்​பாகும் இந்த நிகழ்ச்​சி​யில், சிறந்த புத்​தகங்களை அறிமுகம் செய்து எழுத்​தாளர் பாஸ்​கரன் கிருஷ்ண​மூர்த்தி பேசி வருகிறார்.

அந்த வகையில் இன்று காலை 8 மணிக்கு ‘இந்து தமிழ் திசை’ பதிப்​பகம் வெளி​யிட்ட ‘ராஜாஜி: ஒரு தேசிய சகாப்​தம்’ புத்​தகம் பற்றிய சிறப்பு பார்வை நிகழ்ச்சி ஒளிபரப்​பாகிறது.

மொழிகள், கலாச்​சா​ரத்​தால் பிளவுண்டு கிடந்த இந்தி​யர்​களை, நாட்​டின் விடு​தலைக்காக ஓரணி​யாகத் திரள வைத்​தவர் மகாத்மா காந்தி. தேசிய அரசி​யலில் காந்​திக்கு இணையான சகாப்​தமாக உருப்​பெற்று எழுந்த முன்​வரிசை தேசியத் தலைவர் ராஜாஜி. விடு​தலைப் போராட்​டத்​தி​லும், சமூகப் புரட்​சி​யிலும், நாடு சுதந்​திரம் பெற்ற தருணத்​தி​லும், பிரி​வினை​யின்​போதும், தேசம் எதிர்​கொண்ட ஒவ்வொரு முக்​கியமான சந்தர்ப்​பத்​தி​லும் இந்திய அரசி​யலில் ராஜாஜி​யின் பங்களிப்பு தனித்துவம் மிக்​க​தாக, தவிர்க்க முடி​யாததாக இருந்து வந்துள்ளதை விரிவாக அலசுகிறது 800 பக்கங்கள் கொண்ட இந்த பெரும் நூல்.

இந்த நூலில், ராஜாஜி​யின் சமகாலத் தலைவர்​கள், அவரது அமைச்​சரவை சகாக்​கள், அரசியல் ஆய்வறிஞர்​கள், பேராசிரியர்கள் உள்ளிட்ட நூற்றுக்​கும் மேற்​பட்​டோரின் கட்டுரைகள் இடம்​பெற்றுள்ளன. இந்த நூல் குறித்த கூடுதல் விவரங்களை 7401296562 அல்லது 7401329402 ஆகிய செல்​போன் எண்களில் தொடர்​பு​கொண்டு அறிய​லாம். சென்னை நந்​தனத்​தில் நடை​பெற்று வரும் புத்​தகக் ​காட்​சி​யில் 55, 56, 668, 669 ஆகிய அரங்​கு​களில் இந்​த நூல்​ கிடைக்​கும்​.